काठमाडौं । बलिउडमा धमाधम चलचित्र फ्लप भइरहेका छन् । एक हप्ता त टाढाको कुरा हो, दुई–तीन दिनमा नै केही सिनेमाघरबाट चलचित्र उत्रिएको खबर आइरहेको छ । चलचित्रका लागि दर्शक नै पाइएको छैन ।

१७ मार्चमा झण्डै पाँचवटा हिन्दी चलचित्र प्रदर्शन भए । सबै चलचित्र फ्लप सावित भए । यस्तो अवस्थामा वरुण धवन र आलिया भट्ट अभिनित चलचित्र ‘बद्रीनाथ की दुल्हनिया’ ले बक्स अफिसमा केही राहत दिएको छ । क्रिकेट, परीक्षा र होलीका बीच यो चलचित्र रिलिज भएको थियो । र, यसले सफलता पनि पाएको छ । 

चलचित्रले दोस्रो विकेन्डमा पनि राम्रो कमाइ गरेको छ । दोस्रो सप्ताहको कमाइ १७.५६ करोड छ । दस दिनको जम्मा कलेक्सन ९१.२२ करोड रुपैयाँ भएको छ । दोस्रो सप्ताह सकिनु अघि नै चलचित्रले सय करोड क्लबमा स्थान पाउने विश्वास गरिएको छ ।