काठमाडौं । सर्वोच्च अदालतले कोरोना भाइरसको संक्रमण बढेपछि सेवा कटौती गरेको छ ।
भदौ १५ गतेसम्मका लागि बन्दीप्रत्यक्षीकरणको निवेदन दर्ता र सुनुवाइ, विषयवस्तुको संवेदनशीलता र तत्काल सुनुवाइ गर्नुपर्ने प्रकृतिका रिट निवेदनको दर्ता र सुनुवाइ, मुद्दा फिर्ता, मिलापत्रसम्बन्धी विषयको कामकारवाही मात्र हुने भन्दै शुक्रबार सर्वोच्च अदालतले सूचना जारी गरेको हो ।
त्यस्तै साउन ८ गतेको सूचना बमोजिम काठमाडौं उपत्यकाभित्र सेवाग्राहहिरुलाई हदम्याद, म्याद र तारिखमा यस अदालतमा उपस्थित हुनुपर्ने अवस्थाको हकमा भने सोही बमोजिम हुने गरी सेवा प्रवाहको व्यवस्था मिलाइएको छ ।
काठमाडौं उपत्याकामा कोरोना संक्रमण बढिरहेको, अदालतका कमृचारी, न्यायाधीशका सुरक्षाकर्मीमा संक्रमण देखिएको र न्यायाधीशसमेत होम क्वारेन्टाइनमा बसिरहेको भन्दै सेवा प्रवाहमा संकुचन ल्याउनुपरेको सर्वोचच अदालतले जनाएको छ ।