प्रवास
काठमाडौं । रोजगारीका लागि भारत जाने नेपालीको संख्या बढ्दै गएको छ । सोमबार राजधानीमा आयोजित एक कार्यक्रमका वक्ताहरुले भारतमा बसेका आप्रवासी नेपालीहरुले झेल्नुपरेका समस्याका बारेमा छलफल गरे । कार्यक्रममा उदयनारायण यादव र सोमप्रसाद लुइटेलले प्रस्तुतिकरण गरेका थिए । प्रस्तुतिकरणमा यादवले नेपाली इतिहासमा भारत जानेहरुको संख्या बढी भएको र करिब ५ लाख ६४ हजार नेपाली भारतमा रहेको बताए ।
आर्थिक समस्याका कारण भारतमा रहेका आप्रवासी नेपालीहरुले दिनको ८ घण्टाभन्दा बढी काम गर्न बाध्य रहेको बताए । अनुसन्धानका अनुसार ४६ प्रतिशतले ऋण लिएर भारतमा रोजगारीका लागि जाने गरेको पाइएको छ ।
प्रकाशित मिति: सोमबार, असार ५, २०७४ १६:३८
प्रतिक्रिया दिनुहोस्