काठमाडौं । धेरैलाई लाग्छ, धुम्रपान तथा मद्यपानले मात्र हामीलाई असर गर्छ वा उमेरभन्दा पहिले नै बूढाबूढी देखाउँछ । तर हाम्रो दैनिक क्रियाकलापबाट पनि हामीमा यस्तो असर देखिन सक्छ । स्मार्टफोन वा इलेक्ट्रोनिक ग्याजेट्सको अत्यधिक प्रयोगले पनि छाला चाउरिन्छ र मानिस बूढो देखिन्छ ।
यस्ता कारणले गर्दा उमेरभन्दा पहिला नै उमेर ढल्केको जस्तो देखिन्छ ।
एकै ठाउँमा लामो समयसम्म बसिरहँदा उमेर ढल्कँदै गएको जस्तो देखिन थाल्छ । लामो समयसम्म एउटै ठाँउमा बस्दा डीएनएमा बदलाव आउन थाल्छ । जसको असर सिधै हाम्रो छालामा पर्न जान्छ ।
धेरै केमिकल मिसाइएको मेकअपको सामानले मेकअप गर्दा पनि हाम्रो अनुहार बिग्रिन्छ र उमेरभन्दा पहिला नै बूढाबूढी देखिन थाल्छौँ ।
हरेक समय तनाव लिइरहनुहुन्छ भने सचेत बन्नुहोस् । तनाव शारीरिक तथा मानसिक तवरले हानिकारक हुन्छ ।
लामो समयसम्म चर्को घाममा हिँड्दा पनि छाला ड्यामेज हुन सक्छ ।
धेरै समय कम्प्युटर वा स्मार्टफोन प्रयोग गर्नेहरुमा पनि यस्तो समस्या देखिन थाल्छ ।
एजेन्सी