काठमाडौं । रियल मड्रिडका स्टार स्ट्राइकर क्रिस्टियानो रोनाल्डो, बार्सिलोनाको कप्तान लियोनल मेस्सी र युभेन्टसका जियानलुइजी बुफोन यूएफा प्लेयर अफ द इयरको लागि पहिलो चरणको छनोटमा परेका छन् ।
युरोपियन फुटबल एसोसियसनले प्लेयर अफ द इयरको लागि मंगलबार निकालेको शिर्ष १० खेलाडीको सूचीमा रोनाल्डो, मेस्सी र बुफोन परेका हुन् । युरोपियन फुटबल एसोसियसनले प्लेयर अफ द इयरको घोषणा आगामी अगस्टको २४ तारिखमा गर्ने छ ।
एसोसियसनले गत सिजन गरेको प्रदर्शनको आधार र भोटमार्फत च्याम्पियन्स लिगको समूह विभाजनको अवसरमा प्लेयर अफ द इयरको घोषणा गर्ने छ । एसोसियनले युरोपका ५५ खेल पत्रकार, एसोसियसनको मेम्बरको भोटका अधर्म प्लेयर अफ द इयरको छनोट गर्ने छ ।
प्लेयर अफ द इयरको लागि शिर्ष १० मा रोनाल्डो, मेस्सी र बुफोनसंगै रियल मड्रिडका लुका मोड्रिक, टोनी क्रुज,सर्जियो रामोस, म्यानचेस्टर युनाइटेडका ज्लाटन इब्राहिमोभिच, वायर्न म्युनिखका रोबर्टो लेवान्डोस्की, मोनाकोका केलियन एमबाप्पे, युभेन्टसका पाउल ड्याबला परेका छन् ।