काठमाडौं । १० दिने भ्रमणमा रहेको नेपाली फुटबल टोली जापानको स्थानीय क्बलसँग पराजित भएको छ । आज बिहान भएको खेलमा नेपाल अमिटाई स्पोटर््स क्लबसंँग ५–० गोलअन्तरले पराजित भएको हो ।
एएफसी एसियन कप छनोटअन्तर्गत ताजिकिस्तानसँगको खेललाई मध्यनजर गर्दै जापान पुगेको नेपालले ग्रिन साकाईमा भएको खेलमा फराकिलो अन्तरले हार ब्यहोरेको हो । नेपालले पहिलो हाफमा ३ र दोस्रो हाफमा २ गोल खाएको थियो ।
अमिटाई स्पोटर््स क्लबका लागि खेलको चौथो मिनेटमा नै यामटोमो दाइकीले गोल गर्दै सुरुवाती अग्रता दिलाएका थिए । त्यस्तै, खेलको १६ औं मिनेटमा योसिओका टाकुरोले पेनाल्टीमार्फत गोल गर्दै अमिटाईका लागि अंक दोब्बर पारे । टाकहासी टोसिकीले गोल गर्दै पहलो हाफसम्म अमिटाईलाई ३–० मा पुर्याएका थिए ।
पहिलो हाफमा एकपछि अर्को फितलो प्रदर्शन गरेको नेपालले दोस्रो हाफमा पनि खराब प्रदर्शन गर्यो । खेलको ५६औं मिनेटमा मोरिया टाकजिनले गोल गर्दै ४–० मा पुर्याएका थिए । त्यसको १ मिनेटपछि नै हारिनो जुनले गोल गर्दै जापानको अमिटाई स्पोटर््स क्लबलाई ५–० मा पुर्याएका थिए । बाँकी समयमा राम्रो खेलेपनि गोल गर्न सकेन ।
नेपाली टिमले शुक्रबार हनान युनिभर्सिटीसँग चौथो खेल खेल्नेछ ।