काठमाडौं । भारतीय स्वतन्त्रताको अवसरमा बलिउड सेलिब्रिटीले आफ्ना फ्यानलाई सोसल मिडियामा शुभकामना दिए । यिनै मध्ये एकजना प्रियंका चोपडा पनि थिइन् । प्रियंकाले तिरंगा (भारतीय झण्डा) गलामा बेरेर एउटा फोटो शेयर गरिन र फ्यानलाई शुभकामना दिइन् ।
तर प्रियंकाले यो तस्विर हाल्ने बित्तिकै सोसल मिडियामा हंगामा मच्चियो । प्रयोगकर्ताले उनलाई ट्रोल गर्न सुरु गरे । उनीहरूले प्रियंकाको तस्विरमा अनादरणीय र अवैध जस्ता प्रतिक्रिया दिए ।
यो एउटा जीआईएफ फाइल थियो । प्रियंकाले गलामा झण्डाको बर्को बेरेकी थिइन् । उनले ह्वाइट स्पेगटी र जिंस लगाएकी थिइन् । दर्शकले उनीमाथि झण्डालाई एसेसरिजका रुपमा दूरुपयोग गरेको आरोप लगाएका थिए ।
सोसल मिडिया प्रयोगकर्ताले राष्ट्रको गौरवलाई अपमान गरेको प्रियंकामाथि आरोप लगाए । केहीले प्रियंकाले गलामा लाएको एउटा बर्कोमात्र हो, किन भने त्यसमा अशोक चक्र थिएन, यसैले यो अपमान होइन भनेका थिए ।
प्रियंकालाई मन नपराउनेहरूले झण्डाको अपमान भएको र कहिल्यै पनि इंडिया नफर्कन भनेका थिए ।
यस अघि भारतीय झण्डा अपमान गरेको विषमा शाहरुख खान र अक्षय कुमार पनि आलोचित भएका छन् ।