काठमाडौं । श्रम तथा रोजगार मन्त्रालयले ६ देशमा श्रम कन्सुलर तथा सहचारी नियुक्त गरेको छ । मलेसिया र कोरियामा श्रम कन्सुलर साथै यूएई, ओमान, साउदी अरब र कुवेतमा श्रम सहचारी नियुक्त गरिएको हो ।
मन्त्रालयले दक्षिण कोरियाका लागि डिल्लीराम बास्तोलालाई श्रम कन्सुलर नियुक्त गरेको छ भने मलेसियामा बद्रिकुमार कार्की श्रम कन्सुलर नियुक्त भएका छन् ।
यूएईका श्रम सहचारीमा मोतिराम भुसाल, ओमनमा कृष्णाकुमारी गौली, कुवेतका लागि ज्ञानेन्द्र शर्मा र साउदी अरबमा राजु कुँवर श्रम सहचारी नियुक्त भएका छन् ।
मन्त्रालयले कन्सुलरमा शिवराम पोखरेल र श्रम सहचारीमा सनमाया रम्तेललाई प्रतिक्षा सूचीमा राखेको छ । वैदेशिक रोजगारीका लागि गन्तब्य मुलुकमा आइपर्ने नेपाली कामदारका समस्या समाधानका लागि श्रम कन्सुलर तथा सहचारीले काम गर्ने छन् ।
श्रम तथा रोजगार मन्त्रालयले कन्सुलर तथा श्रम सहचारी छनोट तथा नियुक्ति सम्बन्धी सूचना प्रकाशित गर्दै रितपूर्वक आएका निवेदन तथा छनोट सम्बन्धी कार्यविधि तथा मापदण्डको मूल्यांकनमा आधारित रहेर नियुक्त गरेको जनाएको छ ।
