काठमाडौं । बेलायती महिलाहरुमा पुरुषको तुलनामा यौन इच्छा कम हुने एक अध्ययनले देखाएको छ । स्टडी अफ ब्रिटिश सेक्सुअल एटीट्युड्सको भनाइमा महिलाहरुको यौन इच्छा दुई गुणाले घटेको छ ।
खराब स्वास्थ्य र भावनात्मक लगावको अभावका कारण महिला र पुरुष दुवैमा यौन इच्छा कम देखिएको हो । यस सर्वेक्षणमा लगभग ५ हजार पुरुष र ६ हजार ७ सय महिलाहरुलाई संलग्न गराइएको थियो ।
सेक्स थेरापिस्ट अमान्डा मेजरका अनुसार सेक्समा देखिएको घट्दो लगावलाई असामान्य भन्न सकिन्न । यसका थुप्रै कारणहरु छन् ।
सर्वेक्षणअनुसार १५ प्रतिशत पुरुष र ३४ प्रतिशत महिलाहरुको भनाइमा उनीहरुमा अब सेक्सप्रति कुनै इच्छा बाँकी छैन । त्यस्तै पुरुषहरुमा ३५–४४ को उमेरमा सेक्सप्रतिको इच्छा सबैभन्दा कम थियो । महिलाहरुमा भने ५५ र ६४ वर्षको उमेरमा सेक्सप्रतिको लगाव उच्च स्तरमा घट्दो पाइयो ।
रिसर्चका अनुसार महिनावारी बन्द हुने कारणले महिलाहरुमा यौनइच्छा कम देखिनुको कुनै प्रमाण भेटिएको छैन । यद्यपि घरमा साना बालबालिका भएको कारण पनि महिलाहरुमा यस्तो इच्छा घटेको तथ्य सार्वजनिक भएको छ ।
यौनइच्छा जगाउने पाँच टिप्स
घट्दो लगावप्रति दुवैले खुलेर कुरा गर्नुपर्छ ।
अंतरंग हुने अन्य तरिकाहरु पनि प्रयोग गर्नुपर्छ । जस्तै–कुरा गर्नु, हात समाएर बस्नु, आलिंगन ।
आफ्नो पार्टनरको अनुभूतिको ख्याल राख्नु पनि उत्तिकै महत्वपूर्ण हुन्छ ।
सेक्स थेरापिस्ट र रिलेसनसिप काउन्सिलरसँग पनि परामर्श लिन सकिन्छ ।
यस्तो मामिलामा रिसाउनु झर्किनु भन्दा रचनात्मकतातिर ध्यान दिनुपर्छ ।