बैंकक । दक्षिण थाइल्याण्डमा सडक किनारमा राखिएको बम विस्फोट गराई चार सैनिकको हत्या गरिएको छ । 

सैनिक सवार रहेको एक सवारीसाधनलाई लक्ष्य गरी सडक किनारको बम विस्फोट गराएर ती सैनिकको हत्या गरिएको समाचारमा जनाइएको छ । 

मलेसियामको सीमा क्षेत्रमा रहेको मुसलमानको बलियो प्रभाव रहेको भनिएको यस इलाकामा मलाय आतंककारीहरूले जारी राखेका जातीय द्वन्द्वमा एक दशकभन्दा बढी समयदेखि हिंसा जारी छ । 

बौद्धधर्मावलम्बी बढी रहेका यस थाइल्याण्डमा एक दशकभन्दा बढी समयदेखि जारी मुस्लिम अल्पसंख्यक जातिले हिंसा जारी राखेको हो । यस हिंसाका कारण छ हजार ८०० भन्दा बढी सर्वसाधारण मारिएका छन् । 

सुदूरदक्षिण सीमा क्षेत्रमा पर्ने तीन इलाकामा विद्रोही समूहले प्रायः सुरक्षा अधिकारीलाई लक्षित गर्दै आएका छन् । रासस/एएफपी