ad

खेल

नेपाललाई आठौं सफलता, सुशनले लिए जेमीको विकेट   

काठमाडौं । आईसीसी विश्व क्रिकेट लिग च्याम्पियनसिप अन्तर्गत छैटौं चरण अन्तर्गत हङकङविरुद्धको खेलमा नेपाललाई आठौ सफलता मिलेको छ ।  

हङकङस्थित मिसन रोड ग्राउण्डमा टस जितेर पहिले फिल्डिङ गरेको नेपालले घरेलु टोलीको आठौं  विकेटको रुपमा जेमी एटकिनसनलाई ४० ओभर ४ बलमा सुशन भारीले ७६ रनमा आउट गराए । 

आठौं  विकेट पतनसँगै हङकङले ४२ ओभरमा ८  विकेट गुमाएर १४६ रन बनाएर खेलिरहेको छ । 

सन् २०१८ मा हुने विश्वकप छनोटमा स्थान बनाउन नेपालको लागि हङकङसँगको खेल निकै महत्वपूर्ण रहेको छ ।छनोटको अन्तिम ४ मा स्थान बनाउनका लागि नेपाललाई अबको सबै खेलमा जित हात पार्नैपर्ने चुनौती रहेको छ । 

यता, नेपालसंगको खेल हङकङको लागि पनि यो त्यतिकै महत्वपूर्ण खेल हो । हङकङ पनि अन्तिम चारमा स्थान बनाउन संघर्षरत छ । नेपालले दोस्रो खेल हङकङसँग आइतबार खेल्नेछ । च्याम्पियनसिपको अन्तिम सातौं राउण्डमा नेपालले युएईसँग उसैको मैदानमा खेल्दैछ ।

अंक तालिकामा नेपाल छैटौं स्थानमा छ भने हङकङ नेपाल भन्दा दुई हुँदै चौथो स्थानमा छ । नेपालको १० खेलबाट ४ खेलमा जित र ६ खेलमा पराजित हुँदै ८ अंक रहेको छ । हङकङको भने १० खेलबाट ११ अंक रहेको छ ।
 

तपाईंको मत