काठमाडौं । फिल्म ‘हेट स्टोली–४’ को सुटिङका दौरान अभिनेत्री उर्वशी रौतेला घाइते भएकी छन् । फिल्मको गीत सुटिङका दौरान अभिनेत्री उर्वशी रौतेला घाइते भएकी हुन् ।
खुट्टामा गहिरो चोट लागेका कारण चिकित्सकले उनलाई केही दिन आराम गर्न सल्लाह दिएका छन् । चिकित्सकको सल्लाह अनुसार फिल्म निर्माण पक्षले दिएको आराम गर्न भनेपनि उर्वशीले नमानेको बताइएको छ ।
घाइते अवस्थामै उर्वशीले सुटिङका लागि रिहर्सल गरेको देखेर निर्माण पक्ष चकित परेको छ । उर्वशी यति बेला लण्डनमा फिल्मको सुटिङमा व्यस्त छन् । पहिलेका तीन भागको सफलता पछि ‘हेट स्टोरी’ को निर्माण पक्षले तीन भागमा काम सुरु गरेका छन् ।
यो सिनेमालाई विशाल पाण््ड्या निर्देशन गरिरहेका छन् । यसै सिनेमाबाट पञ्जाबी सिनेमाकी चर्चित अभिनेत्री इहाना ढिल्लन बलिवुड यात्रको सुरुवात गरिरहेकी छन् ।
सिनेमामा उर्वशी रौतेला, इहाना ढिल्लनसँगै करण वाही महत्वपूर्ण भूमिकामा देखिनेछन् । सन् २०१८ मार्च २ मा सिनेमा रिलिज हुने बताइएको छ ।