काठमाडौं । बलिवुड अभिनेत्री माधुरी दीक्षित फिल्मी करियरको नयाँ सुरुवात गर्दै मराठी फिल्म जगतमा कदम राख्न गइरहेकी छिन् । तर उनको मराठी सिनेमाको नाम भने अझै तय भइसकेको छैन । मराठी फिल्म जगतको विकासबाट आफूलाई गर्व महशुस भइरहेको माधुरीको भनाइ छ ।
माधुरीको यो मराठी सिनेमा एक महिलाको वरपर घुम्छ । जसमा केही हास्य पनि समावेश छ । निर्देशक तेजस प्रधा विजय देओसकरले यो सिनेमाको पटकथा देवश्री शिवाडेकरसँग मिलेर लेखेका छन् ।
माधुरीले भनिन्, ‘‘यो हरेक घरको कथा हो । तर पनि यसले दर्शकलाई सही ढंगले जीवन जिउन प्रोत्साहन गर्नेछ ।’’ मन छुने ढंगको कथा समेटिएकाले मराठी सिनेमामा अभिनय गर्न गइरहेको मधुरीले बताइन् । सिनेमाको छायांकनको काम वर्षको अन्त्य तिरबाट सुरु हुने बताइएको छ । उनले अहिलेसम्म ७५ भन्दा बढी सिनेमा गरिसकेकी छिन् ।