एजेन्सी । इंग्लिश क्लब चेल्सी युएईएफए च्याम्पियन्स लिग फुटबलको समूह चरणमा इटालियन क्लब रोमासँग बराबरीमा रोकिएको छ । बुधबार राति भएको समूह चरणको तेस्रो खेलमा चेल्सी रोमासँग ३ – ३ गोलको बराबरीमा रोकिएको हो ।

घरेलु मैदानमा स्ट्यामफोर्ड ब्रिजमा सुरुवाती दुई गोलको अग्रता जोगाउन नसक्दा चेल्सीले अंक बाडेका हुन् । खेलको ११ औं मिनेटमा डेभिड लुइजले गोल गर्दै चेल्सीलाई सुरुवाती अग्रता दिलाएका थिए । खेलको ३७ औं मिनेटमा इडेन हाजार्डले चेल्सीको अग्रता दोब्बर बनाएका थिए । खेलको ४० औं मिनेटमा रोमाका एलेक्ससान्डर कोलारोभले एक गोल गरेपछि पहिलो हाफ चेल्सीले २ – १ को अग्रता बनाएको थियो ।

दोस्रो हाफमा ६४ औं मिनेटमा रोमाका इदिन डेज्कोले गोल गर्दै खेल २ – २ को बराबरीमा ल्याए । खेलको ७० औं मिनेटमा डेज्कोले  व्यक्तिगत दोस्रो गोल गरेपछि रोमाले खेल ३ – २ को अग्रता बनायो । तर, खेलको ५७ औं मिनेटमा हाजार्डले व्यक्तिगत दोस्रो गोल गरेपछि चेल्सी हारबाट जोगिएको थियो । त्यसपछि दुवै टोलीले थप गोल गर्न सकेनन् र खेल ३ –३ को बराबरीमा सकियो ।

यो बराबरीपछि समूह सी को शिर्ष स्थानको चेल्सीले ७ अंक जोडेको छ । रोमाको ५ अंक रहेको छ । यो समूहको तेस्रो स्थानको स्पेनिस क्लब एथलेटिको मड्रिड २ अंक छ । एथलेटिकोले बुधबार राति कारबागसंग गोलरहित बराबरी खेलेको थियो ।