काठमाडौं । एसीसी यू–१९ एसिया कप क्रिकेट प्रतियोगिता मलेसियामा हुने भएको छ । एसियाली क्रिकेट काउन्सिल एसीसीले  नेपालसहित एसियाका टेष्ट मान्यता प्राप्त राष्ट्रहरुबीच हुने यू–१९ एसिया कप मलेसियामा आयोजना गर्ने निर्णय गरेको हो ।

एसीसी यू–१९ एसिया कपमा आगामी नोभेम्बर ११ बाट १९ सम्म हुने छ । एसिया कपमा टेष्ट मान्यता राष्ट्रहरु भारत, बंगलादेश, श्रीलंका, पाकिस्तान, अफगानिस्तानसहित आठ टोलीको सहभागिता रहने छ । एसोसियट राष्ट्रमा नेपाल र मलेसिया रहदा एक टोलिको टुंगो लागेको छैन । एक टोलि भने एसिया कप छनोटको वेष्टर्न रिजनको छनोटबाट आउने छन् ।

नेपाल यू–१९ एसिया कपको छनोटको रुपमा रहेको एसीसी यू–१९ इस्टर्न रिजनको उपाधि जितेर एसिया कपमा छानिएको हो । मलेसियामै गत असोजमा भएको फाइनलमा हङकङलाई ५ विकेटले पराजित गर्दै नेपालले उपाधि जितेको हो ।