एजेन्सी । इन्ग्लिश क्लब आर्सनलले युरोपा लिग फुटबलमा साँघुरो जित निकलेको छ । बिहीबार राति भएको समूह चरणको तेस्रो खेलमा आर्सनलले रेड स्टार बेलग्रेडलाई १– ० ले पराजित गरेको हो ।
बेलग्रेडको घरेलु मैदानमा भएको खेलमा आर्सनलको लागि ओलिभर जेरुडले निर्णायक गोल गरेका थिए । पहिलो हाफ गोलरहित बराबरीमा सकिएको खेलको दोस्रो हाफको ८५ औं मिनेटमा जेरुडले निर्णायक गोल गरेका हुन् । त्यसअघि खेलको ८० औं मिनेटमा मिलान रोडिक दोहोरो पहेलोकार्ड पाएर मैदानबाट बाहिरिदा बेलग्रेड १० खेलाडीमा समेटिएको थियो ।
यो जितपछि समूह एचको आर्सनलले आफ्नो शतप्रतिशत जित कायम राखेको छ । शिर्ष स्थानमा रहेको आर्सनलले ३ खेलबाट ९ अंक जोडेको छ । बेलग्रेड ४ अंक जोडेर दोस्रो स्थानमा छ ।