यो वर्ष बलिउडका लागि खसै राम्रो वर्ष भएन । तर आगामी वर्षबाट बलिउड इण्डस्ट्री धेरै आशावादी देखिएको छ । आगामी वर्ष रिदिज हुने बलिउड सिनेमाहरु हेर्दापनि सन् २०१८ बलिउडका लागि शुभ हुन सक्ने संकेत देख्न सकिन्छ ।
१) अक्षय कुमार भर्सेज सिद्धार्थ मल्होत्रा (२६ जनवरी)
अभिनेता अक्षय कुमार फिल्म ‘२.०’ को स्थानमा आफ्नो सिनेमा ‘प्याडम्यान’ लिएर २६ जनवरीमा सिनेमा घरहरुमा आउँदैछन् । अर्को तिर अभिनेता सिद्धार्थ मल्होत्रापनि आफ्नो नयाँ सिनेमा ‘अय्यारी’ का साथ तम्तयार छन् ।
केही दिन अघि फिल्म निर्माताले ‘अय्यारी’ को ‘बिहाइन्ड द सीन्स’ को एक भिडियो दर्शक सामु पेश गरेको थियो । त्यो बेला निर्देश्क नीरज पाण्डेले फिल्म २६ जनवरीमा प्रदर्शन गरिने बताएका थिए । अब ‘प्याडम्यान’ र ‘अय्यारी’मा कसले बक्स अफिसमा बर्चश्व जमाउछ त्यो आगामी वर्ष मात्रै जानकारीमा आउने छ ।
२. रजनीकान्त भर्सेज वरुण धवन (१३ अप्रिल)
रजनीकान्त अभितिन ठूलो बजेटको फिल्म ‘२.०’ आफ्नो पोस्ट प्रोडक्शन हुँदै लगातार रुपमा अघि बढी रहेको छ । प्राप्त जानकारी अनुसार फिल्म निर्माताले यो सिनेमालाई आगामी वर्षको अप्रिल महिनामा रिलिज गर्ने भएका छन् । यद्यपी अहिले नै प्रदर्शन मिति भने तय भइसकेको छैन् ।
उता अको तर्फ वरुण धवनले केही समय अघि एक पोस्टका माध्यमबाट आफ्नो नयाँ फिल्म ‘अक्टूबर’ लाई अप्रिल महिनामा दर्शक सामु ल्याउने घोषणा गरेका थिए ।
३. टाइगर श्राफ भर्सेज कंगना रनावत (२७ अप्रिल)
फिल्म ‘बागी’ टाइगर श्राफको करियरको सबैभन्दा हिट फिल्म हो । यति बेला उनी यसै सुपरहिट फिल्मको सीक्वलमा काम गरिरहेका छन् । जसलाई २७ अप्रिलमा बक्स अफिसमा रिलिज गरिने भएको छ । फिल्ममा उनीसँगै दिशा पटानीपनि देखिने भएकी छन् । यो फिल्मलाई दर्शकहरुले उत्साहपूर्वक प्रतिक्षा गरिरहेका छन् ।
यद्यपी टाइगरका समर्थकहरुको उत्साहलाई कंगनाका समर्थकहरुले कडा टक्कर दिने भएका छन् । कंगना रनावत पनि आफ्नो नयाँ फिल्म ‘मणिकर्णिका’ लिएर २७ अप्रिलकै दिन आइ रहेकी छन् । यो फिल्ममा उनी रानी लक्ष्मीबाईको भूमिका निभाई रहेकी छन् । यी दुबै फिल्मबीचको भिडन्त बलिउड इण्डस्ट्रीका लागि ठूलो भिडन्त सावित हुने अनुमान गरिएको छ ।
४) सलमान खान भर्सेज ऐश्वर्या राय बच्चन (जून १५)
पछिल्ला केही वर्षका ईद पर्वा सलमान खानकै नाममा रहेका छन् । उनी ईदको अवसर पारेर आफ्नो फिल्म रिलिज गर्दै आएका छन् । साथै ताबडतोड कमाई पनि गर्दछन् । सन् २०१८ मा पनि यही सिलसिला जारी रहने छ । सलमान आफ्नो आगामी mिल्म ‘रेस–थ्री’ बाट २०१८ को ईद पर्वलाई अझै रंगिन बनाउने सोचमा छन् ।
तर आगामी वर्ष उनका सामु ऐश्वर्या राय बच्चन नामक चुनौती खडा हुने भएकी छन् । निर्देशक राकेश ओमप्रकाश मेहरा आफ्नो नयाँ फिल्म ‘फन्ने खां’ लाई २०१८ को ईद पर्वमै रिलिज गर्ने भएका छन् ।
५) आमिर खान भर्सेज अजय देवगन (७ नोभेम्बर)
सन् २०१८ को दीपावलीमा अजय देवगन र आमिर खानबीच फिल्मी भिडन्त हुने भएको छ । यस पटक अजय देवगनको ‘गोलमाल अगेन’ ले बाजी आफ्नो पक्षमा पारेको छ । ‘गोलमाल अगेन’ सँगै प्रदर्शनमा आएको आमिर खानको ‘सीक्रेट सुपरस्टार’ औसत फिल्म बन्न पुगेको छ ।
आगामी वर्षपनि यी दुबै स्टार आफ्नो–आफ्नो फिल्मलाई दीपावालीमा प्रदर्शन गर्ने मनसायमा पुगेका छन् । आगामी दीपावलीमा आमिर खानको ‘ठग्स अफ हिन्दोस्तान’ र अजय देवगनको ‘टोटल धमाल’ एक पटक बलिउडमा प्रदर्शन हुने भएको हो ।
६) शाहरुख खान भर्सेज रणवीर सिँह भर्सेज सुशान्त सिँह राजपूत (डिसेम्बर २१)
सन् २०१८ को सुरुवात जस्तै अन्त्यमा पनि बलिउडमा फिल्महरु एक आपसमा भिड्ने भएका छन् । २०१८ को क्रिसमसको अवसर पारेर बउिडका तीन वटा फिल्महरु एक साथ प्रदर्शनमा आउने भएका हुन् । पहिलो शाहरुख खानको फिल्म जसमा उनी होचो कद भएका व्यक्तिको भूमिका निभइरहेका छन् । दोस्रो रणवीर सिँहको ‘टैम्पर रीमेक’, जसलाई रोहित शेट्टीले निर्देशन गरिरहेका छन् । र तेस्रो सुशान्त सिँह राजपूतको ‘केदारनाथ’, जुन सारा अली खानको डेब्यू फिल्म हुनेछ । यी तीनै फिल्म मध्ये बक्स अफिस भिडन्तमा कसले बाजी मार्छ त्यो भने हेर्न पने हुन्छ ।