काठमाडौं । ग्लोबल आईएमई बैंक र भारतको एक्सिस बैंकबीच व्यावसायिक कारोबार सुरु भएको छ । यससम्बन्धी सम्झौतापत्रमा हस्ताक्षर भइसकेको छ ।

सम्झौतापत्रमा हस्ताक्षरपछि भारतस्थित एक्सिस बैंकका ३ हजारभन्दा बढी शाखाहरुमार्फत पठाएको रकम  नेपालमा रहेका ग्लोबल आईएमई बैंकका १०८ शाखाहरु सहजै उपलब्ध हुने जनाइएको छ । साथै बैंकको इन्टरनेशनल मनि एक्सप्रेस (आइएमई)का ६ हजारभन्दा बढी तथा बेस्ट रेमिटका ४ हजारभन्दा बढी एजेन्टमार्फत प्राप्त गर्न सकिने बताइएको छ । 

ग्लोबल आइएमई बैंकले सबै क्षेत्र र बर्गसम्म बैंकिङ सेवाको पहुँच पुर्याउने उद्देश्यले बिभिन्न स्थानहरुमा शाखा, एक्सटेन्सन काउण्टर तथा शाखारहित बैंकिङ सेवामार्फत् आफ्ना ग्राहकहरुमाझ सेवा प्रदान गर्दै आइरहेको छ ।

बैंकका अनुसार २०७४ असोज मसान्तसम्म १ खर्व ४ अर्व ९४ करोड  निक्षेप, ८८ अर्ब ७७ करोड कर्जा लगानी गरेको बैंकको हाल १४ वटा राजश्व संकलन काउण्टर, १ वटा सिडिएससि काउण्टर, १२६ एटिएम, ४ वटा एक्सटेन्सन काउण्टर तथा ५३ शाखा रहित बैंकिङ्ग सेवामार्फत सेवा प्रदान गरिरहेको छ । 

त्यस्तै बैंकले अत्याधुनिक प्रविधियुुक्त भाईवर बैंकिङ्ग सेवा, मोबाइल बैंकिङ सेवा, इन्टरनेट बैंकिङ सेवाको साथमा अष्टे«लिया, बेलायत र भारतमा प्रतिनिधि, सम्पर्क कार्यालय स्थापना गरेर सो देशहरुमा रहेका नेपालीहरुमाझ सेवा प्रदान गर्दै आईरहेको छ । 

मलेसिया, दक्षिण कोरिया, कतार, युएई, बहराइन लगायतका मुलुकबाट समेत रेमिट्यान्स सेवा प्रदान गरिरहेको बैंकको भनाइ छ ।