काठमाडौं । बलिउड सुपरस्टार सैफ अली खानसँग यति बेला थुप्रै फिल्महरु छन् । फिल्म ‘शेफ’ पछि सैफ अली खान फिल्म ‘कालाकाण्डी’ मा देखिने भएका छन् । फिल्मको निर्देशन अक्षत वर्मा गरिरहेका छन् ।
फिल्मको निर्माण पक्षले ट्रेलर रिलिज गर्नु अघि बिहीबार फिल्मको पोस्टर रिलिज गरेको छ । पोस्टरमा एक हाथमा बन्दूक र एक हाथमा मदिराको गिलास लिएका सैफ फरक अन्दाजमा देखिएका छन् । पोस्टरमा फिल्मका अन्य पात्रहरु पनि देखिएका छन् ।
आगामी फिल्मका बारेमा बताउँदै अभिनेता सैफ अलि खानले भने, ‘‘फिल्ममा अण्डरवल्र्ड गुण्डा, बर्बाद भएका ब्याङ्कर्स र आदर्शवादी प्रेमीहरुका साथ मुम्बईको एक फरक दुनियालाई देखाइएको छ । जसमा प्रेम, अपराध र एक रातमा हुने विभिन्न घटनाहरुलाई समेटिएको छ ।’’ उनले यो फिल्मलाई आफुले अभिनय गरेको फिल्म मध्ये सर्वश्रेष्ठ फिल्म मानेको पनि बताए ।
फिल्म ‘कालाकाण्डी’ को ट्रेलर ७ डिसेम्बरमा रिलिज गरिने बताइएको छ । फिल्ममा सैफ अलि खानसँगै दीपक डोबरियाल, विजय राज, कुणाल राय कपूर, अक्षय ओबेराय, नील भूपलम, अमायरा दस्तूर र शोभिता धूलीपाला पनि देखिने भएका छन् । यो फिल्म आगामी जनवरी १२ मा प्रदर्शनमा आउने भएको छ ।