काठमाडौं । पहिलो चरणमा निर्वाचन भएका ३२ जिल्लामध्ये धेरैजसो जिल्लामा मतगणना सुरु भएको छ । मंसिर १० गते पहिलो चरणको प्रदेश र प्रतिनिधि सभा निर्वाचन भएको थियो । 

पूर्वका जिल्लाहरु पाँचथर, ताप्लेजुङ, संखुवासभा, भोजपुर, ओखलढुंगा र सोलुमा गणना सुरू भएको छ । त्यस्तै, प्रदेश नम्बर ७ अन्तर्गत पर्ने बाजुरामा पनि मतगणना सुरु भएको छ । बाजुरामा साँझ ५ बजेबाट नै मतगणना सुरु भएको मुख्य निर्वाचन अधिकृत पुष्पराज थपलियाले जानकारी दिएका छन् । 

बाजुरामा देशभरकै सबैभन्दा बढी मत खसेको थियो । बाजुरामा ५२ हजार ९४५ मत खसेको थपलियाले बताए । बझाङ र जाजरकोटमा पनि गणना सूरू भएको छ ।

धादिङमा पनि भर्खरै गणना सुरू भएको प्रमुख निर्वाचन अधिकृत इश्वर सिंखडाले जानकारी दिए ।  

पहिलो चरणमा सोलुखुम्बु, संखुवासभा, भोजपुर, ओखलढुङ्गा, ताप्लेजुङ, पाँचथर र खोटाङ, नुवाकोट, रसुवा, धादिङ, सिन्धुपाल्चोक, दोलखा र रामेछाप, मुस्ताङ, म्याग्दी, बाग्लुङ, मनाङ, लमजुङ र गोरखा, रूकुम (पूर्वी भाग) र  रोल्पा, रूकुम (पश्चिम भाग), जाजरकोट, हुम्ला, मुगु, जुम्ला, कालिकोट र डोल्पा,  दार्चुला, बझाङ, बाजुरामा निर्वाचन भएको थियो ।