काठमाडौं । सर्वोच्च अदालतले तत्कालीन प्रहरी नायव महानिरीक्षक (डीआइजी) नवराज सिलवालले बढुवाका लागि सर्वोच्चमा पेस गरेको कागजात गलत रहेको ठहर गरेको छ ।
सर्वोच्चले गलत रहेको ठहर गर्दै कीर्तेमा संलग्न हुने को को हुन् उनीहरूलार्इ पनि अनुसन्धान गरी कारवाहीका लागि आदेश जारी गरेको छ ।
सरकारी कागज कीर्ते गरेको भन्दै सर्वोच्चमा परेको मुद्दामा सिलवालले सर्वोच्च अदालतमा बढुवाका लागि पेस गरेको फाइलमा अंक फरक पारिएको भन्दै पेस गर्ने विरुद्ध कारवाही गर्न सरकारका नाममा आदेश दिएको हो ।
सर्वोच्च अदालतका प्रधानन्यायाधीश गोपाल पराजुलीसहित ७ जना न्यायाधीशको पूर्ण इजलासले यस्तो आदेश दिएको हो । सिलवाललाई यसअघि नै कारवाहीको लागि तयारी भएपछि नेकपा एमालेमा प्रवेश गरेका थिए ।
एमालेबाट टिकट पाएका सिलवाल ललितपुर क्षेत्र नम्बर १ मा विजयी भएका छन् ।
सर्वोच्चको फैसलामा कीर्तेमा क कसको संलग्नता छ उनीहरुलाई पनि कारवाहीका लागि आदेश जारी गरिएको छ ।
गोप्य रुपमा राख्नुपर्ने कार्यसम्पादन मुल्यांकन फारम र निवेदकले पेश गरेको कार्य सम्पादन मुल्यांकन फारमको अंक फरक पार्ने कार्यमा क कसको संलग्नता छ भन्ने सम्बन्धमा अनुसन्धान गरी दोषीलाई कारवाहीका चलाउन भनिएको छ ।
