काठमाडौं । यसपटकको दशैं, तिहार र छठ पर्वलाई लक्षित गरी आइएमईले ल्याएको ‘आइएमई छक्का–पञ्जा’ अफर अन्तर्गत दोस्रो तथा अन्तिम बम्पर उपहार नीलमणि रोकायाले प्राप्त गरेका छन् ।
मलेसियाबाट नेपालमा पैसा पठाएका रोकाया सफ्टवेयर पद्वतिमा आधारित ‘लक्की ड्र’ बाट विजेता घोषित भएका छन् । पैसा पठाउने रोकाया वा निजले सिफारिस गरेका व्यक्तिले नगद रु. १० लाख प्राप्त गर्नेछन् ।
त्यस्तै अन्तिम तथा छैठौं १५ दिनको जीवन बीमा आइएमई सेवाग्राही राजिब थापाले प्राप्त गरेका हुन् । सफ्टवेयर पद्वतिमा आधारित छनोट कार्यक्रममा जापानबाट नेपालमा पैसा पठाएका हुने थापा भाग्यशाली विजेता छनोट भएका हुन् ।
भाग्यशाली विजेता थापा वा नीजले सिफारिस गरेको व्यक्तिले रु. ६ लाख बराबरको जीवन बीमा प्राप्त गर्नेछन् ।