बलिउड अभिनेता सलमान खानको आगामी फिल्म ‘टाइगर जिन्दा है’ पकिस्तानमा रिलिज नहुने भएको छ । पाकिस्तानमा कानुन स्थापित गर्ने संस्थाहरुलाई नकारात्मक ढंगबाट देखाइइएकाले सलमान खानको फिल्मलाई पाकिस्तानमा प्रदर्शन हुन नदिने भएको हो । पाकितानको सेन्सर बोर्डका प्रमेख मोबशेर हासनले यो फिल्म आफ्नो मुलुकमा प्रदर्शन नहुने पुष्टि गरेका छन् ।   

यस फिल्मको पहिलो भाग ‘एक था टाइगर’ पनि पकिस्तानमा प्रदशृन हुन दिइएको थिएन । फिल्ममा सलमान खान (टाइगर) भारतका जासुस हुन्छन् । कटरीना कैफ (जोया) पाकिस्तानी जासुस हुन्छिन् । दुबैबीच प्रेम सम्बन्ध स्थापित हुन्छ र उनीहरु दुबै जना आ–आफ्नो देशबाट फरार हुन्छन् । यो एक सत्य घटनामा आधारित फिल्म थियो । यो फिल्मको दोस्रो भाग ‘टाइगर जिन्दा है’ यसै महिनाको २२ तारिखमा प्रदर्शनमा आउने भएको छ ।