काठमाडौं । अक्षय कुमारलाई बलिउडका खेलाडी भनेर पनि चिनिन्छ । उनै खेलाडीको नयाँ फिल्म ‘प्याडम्यान’को ट्रेलर रिलिज भएको छ, जसको शुरुआतमा  बलिउडका महानायक अमिताभ बच्चनको आवाज सुन्न सकिन्छ ।

प्याडम्यानको यो ट्रेलर अहिलेसम्मका हिन्दी सिनेमाका ट्रेलरभन्दा भिन्नै किसिमको छ । फिल्मको ट्रेलरले तपाईंलाई फरक अनुभव दिनेछ । 

‘प्याडम्यान’ को कथा महिलाको जिन्दगी परिवर्तनका लागि प्रयासरत एक युवक वरिपरी घुमेको छ । फिल्ममा अक्षय कुमारसँगै राधिका आप्टे, सोनम कपूरलगायतका कलाकारहरुको अभिनय रहेको छ । ट्वीङ्कल खन्नाले निर्माण गरेको ‘प्याडम्यान’ को निर्देशन आर बाल्कीले गरेका छन् ।