काठमाडौं । प्रहरीले क्लब डेजाभु कान्डमा संलग्न सञ्चालकसहित ७ जनालाई ठगीको आरोपमा अदालतमा मुद्दा दायर गरेको छ ।
महानगरीय अपराध महाशाखाले उनीहरुलाई ठगी ऐन अन्तर्गत काठमाडौं जिल्ला अदालतमा मुद्दा दायर गरी अनुसन्धान अघि बढाएको महाशाखा प्रमुख एसएसपी दिवेश लोहनीले बताए ।
उनका अनुसार पक्राउ परेका सात जनालाई शुक्रबार दिउसो काठमाडौं जिल्ला अदालतमा म्याद थपका लागि उपस्थित गराइएको थियो ।
जसमा पृथु बाँस्कोटा, राजु महर्जन, रितेश मारबाडी, यनव श्रेष्ठ, मयंक खड्का, विशाल डाँगी, मिलन श्रेष्ठ, राजीव महर्जन, आकाश न्यौपाने रहेका छन् । महंगो मुल्यमा टिकट बिक्री गरेर ठगी गरेको देखिएपछि उनीहरुलाई मुद्दा दायर गरी अनुसन्धान प्रक्रिया अघि बढाएको एसएसपी लोहनीले जानकारी दिए । अमेरिकी डिजे मार्समेलो ल्याउने भन्दै ग्राहकसँग महँगो रकम असुलेको तर नल्याएका कारण राति आक्रोशित समूहले क्लबमा तोडफोड गरेको थियो ।
