काठमाडौं । लामो समयदेखि नेपाली बजारमा आफ्ना विभिन्न मोडलका मोटरसाइकल तथा स्कुटरहरु बिक्रीवितरण गर्दै आएको जगदम्बा मोटर्स अन्तर्गतको टिभीएसले आफ्ना ग्राहकहरुलाई थप सुविधाका साथ आवश्यकताहरु पूर्ति गर्ने उद्देश्यले आज (आइतबार) देखि पुस ६ गतेसम्म मेघा एक्सचेन्ज मेला आयोजना गरेको छ ।

५ दिनसम्म चल्ने उक्त मेगा एक्सचेन्ज मेलामा कुनै पनि पुरानो मोटरसाइकल तथा स्कुटरसँग टिभीएस कम्पनीका कुनै पनि मोटरसाइकल तथा स्कुटर एक्सचेन्ज गर्न सकिनेछ । हाल नेपालमा विक्री हुँदै आएका अन्य २ पांग्रे सवारी साधनमध्ये टिभीएस कम्पनीसँग सबैभन्दा धेरै मोडलका बाइक तथा स्कुटरहरु उपलब्ध छन् । उक्त मेगा एक्सचेन्ज मेला विगतमा पनि हुँदै आएको र भविष्यमा पनि निरन्तर चलिरहने कम्पनीले जनाएको छ । 

देशको अन्य सहरहरुमा पनि चलिरहेको उक्त मेलामा जस्तोसुकै कन्डिसनको मोटरसाइकल पनि एक्सचेन्ज गर्न सकिने कम्पनीले जनाएको छ । एक्सचेन्जमा १० हजारदेखि १ लाख सम्मको स्योर सट क्यास छुटको अवसर प्रदान गरिनुका साथै थप मूल्याङ्कनको पनि व्यवस्था गरिएको छ ।

मेलालाई थप आकर्षक, मनोरन्जनात्मक र सुविधा सम्पन्न बनाउन बाइक स्टन्ट, फ्रि बाइक चेक अप, फेस पेन्टिङ्ग, हेल्मेट अनि एसेसोरिज स्टल र विभिन्न खेलहरु प्रदर्शन गरिनेछ । मोटरसाइकल तथा स्कुटर एक्सचेन्ज गर्नको लागि मेगा एक्सचेन्ज मेलामै तुरुन्त फाइनान्सको सुबिधा रहेको छ ।