काठमाडौं । सामान्यतः मानिस अत्यन्तै स्वार्थी प्राणी हो । कुनै पनि व्यक्तिलाई सम्बन्ध राम्रो रहुञ्जेलसम्म आफुले मन पराएको व्यक्तिका हरेक क्रियाकलाप राम्रा लाग्छन् । तर त्यही व्यक्तिसँगको सम्बन्ध बिग्रिए उसका हरेक कुराहरु नराम्रो लाग्ने गर्दछ । 

बलिउड अभिनेता शाहिद कपूर र अभिनेत्री करीना कपूरको प्रेम सम्बन्धमा पनि यस्तै देख्न पाइएको छ । यिनीहरुबीच बिछोड भएपनि दुबै जनाले एक–अर्कासँग भेटघाट, कुराकानीदेखि फिल्ममा अभिनय गर्न पनि छोडिसकेका छन् । यद्यपी शाहिद कपूरले करिनासँगको प्रेममा पाएको धोकालाई कयौं पटक सार्वजनिक रुपमा अभिव्यक्त गरेका थिए । तर उनले अन्तिममा आएर करीनासँग आफ्नो सम्बन्ध टुटेको स्वीकार गरेका थिए । 

करीना र सैफको बढ्दो निकटता 
 

अभिनेता सैफ अली खान र करीना कपूरको बढ्दो निकटता शाहिद–करीनाको प्रेम सम्बन्धमा फाटो ल्याउने कारण बनेको थियो । फिल्म ‘टशन’ का दौरान सैफको मन मस्तिष्कमा करीनाप्रतिको माया अंकुराएको थियो । उनी हरेक समय करीनालाई आफ्नो प्रेमको आभाष दिलाउन प्रयासरत रहन्थे । सैफले आफ्नो हातमा करीनाको ट्याटूसमेत बनाएका थिए । पछि गएर करीना पनि सैफलाई मन पराउन थालेकी थिइन् । 

करीनाको खुलासा
 

फिल्म निर्माता करण जौहरको टेलिभिजन शो ‘कफी विथ करण’ मा करीनाले आफुले सैफ अलि खानलाई मन पराएको खुलासा गरेकी थिइन् । शो मा करणले उनलाईं ‘ओमकारा’ कलाकार अजय देवगन र सैफ अली खान मध्ये कसलाई बढी मन पराउनु हुन्छ भनेर प्रश्न गरेका थिए । 

प्रेमको सुरुवात 
 

‘टशन’ भन्दा पहिले ‘ओमकारा’ फिल्मको छायांकनका दौरान नै करीनाले सैफलाई मन पराउन थालेको बताइन्छ । जसबाट सैफ अलि खान नै करीना र शाहिदको प्रेम सम्बन्धमा अवरोध बनेको पुष्टि हुन्छ । 

तनाव हुँदाको साथी

करीना कपूर आफ्नो र शाहिदको सम्बन्धका बारेमा कुनै ठोस निर्णय लिन सकी रहेकी थिइनन् । उनको जिन्दगीमा सैफ अली खान प्रवेश गरे । सैफले करीना तनाव अवस्थामा रहँदा साथ दिने प्रयास गरे । जसका कारण उनी करीनाका अशल मित्र बन्न पुगे । जुन पछि गएर जिवनसाथीका रुपमा परिणत भए । 

अमृता राव
शाहिद र करीनाको प्रेम सम्बन्धमा फाटो आउनुमा बलिउड अभिनेत्री अमृता राव पनि कारण हुन् । करीनासँगको प्रेममा हुँदा पनि शाहिद आफ्नी को–एक्ट्रेस अमृता रावलाई ‘डेट’ गरिरहेका थिए । यद्यपी यसको सत्यता अहिलेसम्म पनि बाहिर आउनु सकेको छैन् । तर यसै कारण शाहिद–करीनाको सम्बन्धमा चिसोपना आएको थियो ।