एजेन्सी । सर्वियन खेलाडी नोवाक जोकोभिकले उत्कृष्ट पुनरागमन गर्दै अष्ट्रेलियन ओपन टेनिसमा जित हात पारेका छन् । अष्ट्रेलियन ओपन टेनिसको आफ्नो पहिलो खेलमा नै शानदार प्रदर्शन गर्दै जोकोभिकले डोनाल्ड योङलाई पराजित गरेका हुन् । 

बेलबोर्न पार्कमा मंगलबार प्रतियोगिताको पहिलो राउण्डअन्तर्गत आफ्नो पहिलो खेलमा जोकोभिकले अमेरिकाका डोनाल्ड योङमाथि ६–१, ६–२ र ६–४ को सेटमा पराजित गर्न सफल भए । जोकोभिक करिब ६ महिनापछि खेलमा फर्किएका हुन् ।

उनी चेक रिपब्लिकका टोमस बर्डीचसँग विम्बल्डन च्याम्पियनसिपको क्वाटरफाइनल खेलको दौरानमा घाइते भएका थिए । लामोसमयपछि कोर्टमा फर्किएका ३० वर्षीय जोकोभिकले दोस्रो राउण्डमा विश्व नम्बर ३९ फ्रान्सका गेल मोनफिल्ससँग प्रतिस्पर्धा गर्ने छन् ।