डोकलाम विवादमा भारतीय सेना प्रमुख जनरल बिपिन रावतले डोकलाम विवादित क्षेत्र भएको र यस्ता विवादले उत्तरी सीमामा ठूलो संघर्षको रुप लिन सक्ने बताएका थिए । 
त्यसको जवाफमा चीनले जनरल रावतको बयान ठिक नभएको बताउँदै बयानबाट दुबै देशबीचको सम्बन्धमा अड्चन आउन सक्ने चेतावनी दिएको थियो । साथै चीनले डोकलाम आफ्नो भूमि भएको दाबी पनि गरेको थियो । 
चिनियाँ पक्षले राष्ट्रिय एकताका लागि सम्पूर्ण शक्ति प्रयोग गर्ने र डोकलाम विवाद भूटान र चीनका बीचमा भएकाले भारतको कुनै भूमिका नरहेको पनि स्पष्ट पारेको थियो । 
चीनका विशेषज्ञ र नागरिकहरुले भारतमाथि आवश्यकताअनुसार भारतमाथि दबाब सिर्जना नगरेको भन्दै असन्तुष्टि जनाउँदै आएका थिए । जसका कारण उक्त असन्तुष्ट पक्षका नजरमा सम्मान यथावत राखी राख्न चीन सरकार भारत र डोकलामको विषयमा बयानबाजी गर्दै आएको छ । 

भारतले सीमामा पाकिस्तानलाई दबाबमा राखेको प्रति पनि चीन चिन्तित छ । उसले पाकिस्तानलाई ‘मोहरा’ रूपमा प्रयोग गरिरहेपनि पछिल्लो अवस्थामा पाकिस्तान कमजोर देखिएको छ । भारतीय सेनाको दबावसँगसँगै अमेरीकी राष्ट्रपति डोनल्ड ट्रम्पले पाकिस्तानलाई आर्थिक सहयोग राकेपछि चीन असन्तुष्ट छ । 

तर भारत रहेको बलियो अवस्थामा जनरल रावतले यस्तो बोल्न हुन्थ्यो कि हुँदैन थियो भन्ने प्रश्न उब्जिएको छ मलाई यो पूर्व निर्धारित रणनीति थियो । र चीनलाई जतिसुकै होशियार सम्झिएपनि उ यो जालमा फस्दै गएको छ । प्रधानमन्त्रीसँगको सल्लाहमा रावतले यस्तो बताएको हुनसक्ने सम्भाmवनालाई टाल्न सकिदैन । 

दुई देशबीच सम्बन्ध चिसिएको जस्तो अनुमान गरिएपनि चीन–भारतका बीच शान्ति यथावत छ । शी जिनपिंग र नरेन्द्र मोदीका बीचमा पनि राम्रो सम्बन्ध रहेको छ । चीनले भारतसँग सम्बन्ध बिगार्न चाहेको छैन् । र दुबै देशले युद्ध नचाहेका कारण जनरल रावतको बयानबाट कुनै फरक पर्दैन । 

यति बेला सबै देशहरु आ–आफ्नै परिस्थितिको सामना गरिरहेका छन् । जनरल रावतलाई पनि आफ्नो तरिका सीमित राख्न जरुरी छ । किनकी भारत एक साथ दुई मोर्चा खेल्न सक्दैन । पाकिस्तान र चीन दुबै देशलाई एक साथ दबाउन सकिँदैन ।