काठमाडौं । नयाँ शक्ति पार्टी नेपालका संयोजक एवं पूर्वप्रधानमन्त्री डा. बाबुराम भट्टराईले सरकारले तोकेको अस्थायी प्रदेश केन्द्रको बारेमा टिप्पणी गर्दै संघीयताको मर्मविपरित र दल तथा नेताको नेताको निजी स्वार्थ हावी भएको बताएका छन् । "प्रदेशका अस्थायी केन्द्र तोक्ने क्रममा संघीयताको मर्म विपरित दल र नेताका निजी स्वार्थ हावी हुनु अत्यन्त दुखद र खेदजनक छ," भट्टराईले ट्वीट गर्दै भनेका छन् ।
उनले सरकारले तोकेको अस्थायी राजधानीको केन्द्र पञ्चायतकालको विकासको अवधारणा जत्तिको सन्तुलित पनि नभएको भन्दै नयाँ सरकारले मिलाउनुपर्ने पनि बताएका छन् ।
"खासगरी प्रदेश १, ५ र ७ (केही हदसम्म ३) मा पञ्चायतकालको विकास क्षेत्रको अवधारणा जत्तिको सन्तुलन पनि नदेखिनु अत्यन्त आपत्तिजनक छ," भट्टराईले अगाडि भनेका छन्, "अब बस्ने प्रदेशसभाले मिलाओस् ।"