काठमाडौं । आईसीसी विश्व क्रिकेट लिग डिभिजन टु को पहिलो खेलमा आयोजक नामिवियाले नेपाललाई जितका लागि १३९ रनको लक्ष्य दिएको छ । नामिवियाले दिएको १३९ रनको लक्ष्यसहित नेपालले केहि बेरमा जवाफी ब्याटिङ थाल्ने छ ।
विन्डहुकस्थित अफिस पार्कमा नेपालले टस जितेर बलिङ रोजेपछि नामिवियाले ब्याटिङ गरेको थियो । पहिले ब्याटिङ गरेको नामिविया नेपालको कसिलो बलिङसामु ३४ ओभर २ बलमा बलमा अलआउट हुँदै १३८ रनमा समेटियो ।
नामिवियाका जर्ज विलियम्सले सर्वाधिक ४१ रन बनाए । त्यस्तै जान फ्राईलिन्क र जेन ग्रीनले समान २२ - २२ रन बनाउदा स्टेफन वार्ड र जोनाथन स्मिटले समान १ ८ – १८ रन जोडे । नामिवियालाई सस्तैमा समेट्न नेपालका सन्दिप लामिछानेले ४ तथा सोमपाल कामीले ३ विकेट लिए । त्यस्तै त्यस्तै कप्तान पारस खड्का, शरद भेषवाकर, बसन्त रेग्मीले समान १ – १ विकेट लिए ।
नामिवियाबिरुद्ध नेपालको यो उत्कृष्ट प्रदर्शन समेत हो । तीनबर्ष अघि नामिवियामै नेपालले नामिवियालाई १४२ रनमा अलआउट गरेको थियो ।
६ राष्ट्र सम्मलित डिभिजन टु नेपाली क्रिकेटको भबिष्यसंग समेत जोडिएको छ । यो संस्करणको डिभिजन टु को बिजेता र उपविजेताले विश्वकप छनोटमा स्थान बनाउने छ । विश्वकप छनोट जिम्बाबेमा यही फेब्रुवरी हुनेछ ।
यो पटक नेपालसहित, आयोजक नामिबिया, केन्या, ओमान, क्यानडा र युएईले खेलिरहेका छन् । नेपाललाई उच्च श्रेणीको क्रिकेटमा रहिरहन पनि डिभिजन टु महत्वपूर्ण छ । डिभिजन टु को अन्तिम दुई टोली डिभिजन – ३ मा घटुवा हुनेछ ।
आईसीसी विश्व क्रिकेट लिग च्याम्पियनसिपबाट रेलिगेसन हुँदै डिभिजन टु मा झरेको हो । आठ राष्ट्र सहभागी च्याम्पियनसिपमा नेपाल सातौं भएको थियो । नेपालले दोस्रो पटक डिभिजन टु खेलिरहेको हो । नेपालले तीनबर्षअघि नामिवियामै डिभिजन टु खेलेको थियो । जसमा नेपाल चौथो भएको थियो ।
नेपाल भर्सेस नामिबिया (हेड टु हेड)
सन् २००१ – आइसीसी ट्रफी : नेपाल ८ विकेटले पराजित
सन् २०१४ – आइसीसी विश्वकप छनोट (अभ्यास खेल) : नेपाल ४ विकेटले परजित
सन् २०१५ – आइसीसी विश्व क्रिकेट लिग डिभिजन – २ : नेपाल ३ विकेटले विजयी
सन् २०१७ – आइसीसी विश्व क्रिकेट लिग च्याम्पियनसिप : नेपाल ५ विकेटले विजयी
सन् २०१७ – आइसीसी विश्व क्रिकेट लिग च्याम्पियनसिप : नेपाल ३ विकेटले विजयी