काठमाडौं । गत साता प्रदर्शनमा आएको अक्षय कुमारको फिल्म ‘प्याडम्यान’ बलिउड बक्स अफिसमा राम्रो कमाई गरिरहेको छ । फिल्ममा उठान गरिएको महिनाबारीको समस्या र अक्षय कुमारले निभाएको भूमिकाले अहिले चर्चा पाइरहेको छ ।
साथै फिल्ममा अक्षय कुमारसँगै अभिनेत्रीहरु सोनम कपूर र राधिका आप्टेपनि महत्वपूर्ण भूमिकामा देखिएका छन् । यो फिल्मले प्रदर्शनको पहिलो दिनमै १०.२६ करोड रुपैयाँ आम्दानी गरेको थियो । अक्षय कुमार अभिनित फिल्म ‘प्याडम्यान’ ले तीन दिनमा ४० करोड रुपैयाँको कारोबार गरिसकेको छ ।
तर दक्षिण भारतमा यो फिल्म दर्शकलाई सिनेमा घरसम्म तान्न असफल देखिएको छ । साउथमा अक्षय कुमारको फिल्म गैर तमिल भएका कारण बक्स अफिसमा दोस्रो नम्बरमा चलिरहेको छ ।
अक्षय कुमारको ‘प्याडम्यान’ लाई तमिल फिल्म ‘कलाकलपपू २’ ले कडा टक्कर दिइरहेको छ । यो तमिल फिल्म हेर्न दर्शकहरु सिनेमा घर पुगिरहेका छन् । फिल्म ‘कलाकलपपू २’ चेन्नई बक्स अफिस कलेक्शनमा पहिलो नम्बरमा रहेको भारतीय सञ्चारमाध्यमले जनाएका छन् ।