कठमाडौं । रसियाको नोभोसिबिर्सक सहरमा भैरहेको झवान, टु, थ्री थिएटर फेस्टिभलमा नेपालको प्रतिनिधित्व गर्दै कान्तिपुर फिल्म एकडेमीका विद्यार्थीले नाटक प्रस्तुत गरेका छन् ।
धेरैमा तीन जना कलाकारले मात्रै प्रदर्शन गर्न पाउने उक्त फेस्टिभलमा सहभागी हुन नेपालबाट कान्तिपुर फिल्म एकेडेमीका सिइओ प्रकाश पुरी, एकेडेमिक डाइरेक्टर नरेश कुमार केसी र अभिनय विधाका विद्यार्थीहरु मोहन जैशी र सन्जोग रसाइलीले सहभागिता जनाएका थिए ।
रसियाको सबै स्टेट र देश गरेर ४६ ओटा नाटक मञ्चन भएको उक्त फेस्टिभलमा नेपालले १२ फेब्रुअरी दिउँसो ३ बजे, नोभोसिबिर्सकस्थित रेड हाउस थिएटरमा रोनिश राउत निदेर्शित २३ मिनेट लामो नाटक ‘पिस’ देखाएको थियो । नेपालको सशस्त्र द्वन्द्व कालको विषयमाथि निर्माण गरिएको उक्त नाटकमा सन्जोग रसाइली माओवादी र मोहन जैशीले आर्मीको भूमिका निर्वाह गरेका थिए ।
फेस्टिभलको आयोजक नोभोसिबिर्सक स्टेट थिएटर ईन्स्टिच्युट र अन द लेफ्ट बेन्कञ थिएटर ईन्स्टिच्युटका प्रतिनिधीहरू गत जेठमा नेपाल आएर कान्तिपुर फिल्म अकडेमीसँग नेपाल र रसियाबीच स्कलर एक्सचेञ्ज र कल्चरल एक्सचेन्जको लागि सहकार्य गर्ने सम्झौता गरेका थिए ।
