आर्मीको लगातार दोस्रो जित

आर्मीको लगातार दोस्रो जित

काठमाडौं । विभागीय टोली त्रिभुवन आर्मी क्लबले राजधानीमा जारी क्विक्स बास्केटबल लिग लगातार दोस्रो जित निकालेको छ । सोमबार भएको खेलमा गोल्डेनगेट इन्टरनेसनल कलेजलाई हराउदै आर्मीले लगातार दोस्रो जित निकालेको हो ।

गोल्डेन गेटको घरेलु कोर्टमा भएको खेलमा आर्मीले घरेलु टोलीलाई ८८ – ५० स्कोरले पराजित गर्यो । आर्मीको जितमा रविन खत्रीले १७ तथा सदिश प्रधानले १६ स्कोर गरे । यसअघि आर्मीले पहिलो खेलमा विशाल मिलन केन्द्र (बीएमके) लाई ८७–७३ स्कोरले हराएको थियो ।

होम एण्ड अवे लिगको आधारमा जारी प्रतियोगिता अन्तर्गत सोमबार नै भएको टिम बूढानीलकण्ठ नगरपालिकाले साउथ साइडर्स बास्केटबल क्लबलाई पराजित गर्दै विजय सुरुआत गरेको छ ।

बूढानीलकण्ठको घरेलु कोर्ट गोल्फुटार बास्केटबल कोर्टमा भएको खेलमा घरेलु टोलीले साउथ साइडर्समाथि ५९ – ५६ स्कोरले हरायो  । बुढानिलकण्ठको जितमा तेजेन्द्र गुरुङ र विजय रानाले समान १६ – १६ स्कोर गरे । साउथ साइडर्सका संजय ब्यन्जनकारले १७ स्कोर जोडेपनि टोलीलाई हारबाट जोगाउन सकेन ।

प्ले फर डीप्राइभ्ड चिल्ड्रेन नेपाल (पिडिसिएन) ले  नेपाल बास्केटबल संघको सहयोगमा पहिलोपटक क्लबस्तरीय पुरुष बास्केटबल लिग आयोजना गरेको हो । कुल ६० खेल हुने लिगको शिर्ष चार टोलीले प्ले अफमा स्थान बनाउने छन् । प्ले अफमा पहिलो हुनेले चौथो र दोस्रो हुनेले तेस्रोसँग खेल्ने छ ।

प्रतियोगिताको बिजेताले २ लाख प्राप्त गर्दा उपविजेताले १ लाख र तेस्रोले ५० हजार पाउने छन् । यस्तै प्रतियोगिताको उत्कृष्ट खेलाडी, सर्वाधिक स्कोरकर्ता, डिफेन्स, इमर्जीङ प्लेयर र प्रशिक्षकले स्पोर्ट्स क्लोथिङ कम्पनीबाट १० हजार बराबरको गिफ्ट प्राप्त गर्ने छन् ।

प्रतिकृया दिनुहोस