एजेन्सी । बलिउड अभिनेता टाइगर श्राफको ‘बागी’ सीरिजको तेस्रो फिल्मको घोषणा गरिएको छ । ‘बागी २’ को ट्रेलर सार्वजनिक हुनु अगाडि नै निर्माण पक्षले ‘बागी ३’ को घोषणा गरेको हो ।
यो फिल्ममा पनि टाइगर नै मुख्य भूमिकामा देखिने भएका छन् । ता साजिद नाडियाडवालाको निर्माणमा तयार हुने भनिएको फिल्म ‘बागी ३’ लाई अहमद खानले निर्देशन गर्नेछन् ।
यस सीरिजको पहिलो फिल्म ‘बागी’ २०१६ मा प्रदर्शन भएको थियो । जसमा टाइगर श्राफ र श्रद्धा कपूरले अभिनय गरेका थिए । यो फिल्मलाई दर्शकहरुले अति नै मन पनि पराएका थिए । फिल्ममा टाइगर र श्रद्धाले ‘एक्शन’ पनि गरेका थिए ।
‘बागी २’ मा पनि टाइगरको एक्शन देख्न पाइने भएको छ । यसमा टाइगरका साथ दिशा पटानी मुख्य भूमिका निभाएकी छिन् । झण्डै ५० करोडको लगानीमा निर्माण गरिएको भनिएको फिल्मको छायांकन पूरा भइसकेको छ । ‘बागी २’ आगामी अप्रिल ३० मा प्रदर्शन गरिने भएको छ ।