बीबीसी । खेल जीवनबाट सन्यास लिएर राजनीतिमा लागेको पाकिस्तानी क्रिटेटर इमरान खानले विवाह गरेका छन् । पाकिस्तान तहरीक–ए–इन्साफ पार्टी (पीटीआई) का प्रमुख इमरान खानले बुशरा मानिकासँग तेस्रो विवाह गरेका हुन् । 

उनको पार्टी पीटीआईले इमरान खानले बुशरा मानिकासँग विवाह गरेको पुष्टि गरेको छ । पीटीआईका तर्फबाट ट्वीटरमा इमरान खानको तेस्रो विवाहको तस्विर जारी गर्दै वैवाहिक जीवनको शुभकामना दिइएको छ । 

पीटीआईले आफ्नो ट्वीटर ह्याण्डलमा लेखेको छ, “आइतबार १८ फेब्रुअरीको राति ९ बजे परिवार र नजिकका साथीहरुको उपस्थितिमा विवाह (निकाह) सम्पन्न भएको छ ।’’

यसअघि गत महिना इमरान खानको विवाहको खबर सार्वजनिक हुँदा पीटीआईले वक्तव्य जारी गर्दै पार्टी प्रमुखले बुशरा मानिका नाम गरेकी महिलालाई विवाहका लागि प्रस्ताव गरेको र उनी प्रत्युत्तरको पर्खाईमा रहेका बताएको थियो । 

इमरान खानले यसअघि सन् २०१४ मा टिभी प्रस्तोता रेहम खानसँग दोस्रो विवाह गरेका थिए । उनको दोस्रो वैवाहिक सम्बन्ध धेरै लामो टिक्न नसकेपछि सम्बन्ध बिच्छेद भएको थियो । 
http://www.bbc.com/hindi/international-43107634