विदेश

बेलायती शिक्षा प्रणालीमा चुनौति ! प्रधानमन्त्री भन्छिन्– विश्वको सबैभन्दा महंगो शुल्क 

बेलायती शिक्षा प्रणालीमा चुनौति ! प्रधानमन्त्री भन्छिन्– विश्वको सबैभन्दा महंगो शुल्क 

काठमाडौं । बेलायती प्रधानमन्त्री टेरेजा मेले आफ्नो देशमा विद्यार्थीहरुको मूल्य बढाउने प्रतिबद्धता जनाउँदै उनीहरु विश्वकै सबैभन्दा महङ्गो शुल्क तिरेर पढ्न बाध्य भएकोे स्वीकार गरेकी छन् । 

प्रधानमन्त्री टेरेजाले सोमबार विद्यार्थीहरुसँग लिइने शूल्कबारे स्वतन्त्र धारणा व्यक्त गर्ने बताएकी हुन् । यसका साथै उनले  विश्वविद्यालयमा प्रदन गरिने शिक्षाको तुलनामा प्राविधिक शिक्षालाई कम महत्व दिने मानिसहरुको ‘पुरानो सोच’ बारे पनि चर्चा गर्ने बिबिसीले बताइएको छ । 

विद्यार्थीहरुले महङ्गो शूल्क तिरेर पढ्न बाध्य भएपनि अन्त्यमा पढाइ सकेर पनि लगानी अनुसारको रोजगार अवसर नपाउने हुँदा धेरैका लागि समस्या उत्पन्न हुने बताइएको छ । 

बेलायतको सरकारले सोमबार शैक्षिक प्रणाली र युनिभर्सिटी शूल्कबारे एकवर्षको समीक्षा गर्ने बताएको छ ।  यस अन्तर्गत आगामी वर्षको सुरुवातमै विभिन्न पाठ्यक्रमको स्तरअनुसार लाग्ने शैक्षिक शूल्कको परीक्षण गरिने बताइएको छ । 

कुनैपनि विद्यार्थीलाई भर्ना हुनुअघि उसको पृष्ठभूमिलाई बढी मान्यता नदिइने खालको शिक्षा प्रणाली स्थापना गर्न टेरेजाले जोड दिने बताइएको छ ।  बेलायतमा आर्थिक लगायत विभिन्न कारणवश् पढाइको बिचैमा विद्यार्थीले स्कुल, कलेज छोड्ने क्रम पछिल्लो समय वृद्धि भइरहेको छ । 

यसका साथै धेरै स्नातक उर्तिण विद्यार्थीहरु त्यस अनुसारको काम नपाउँदा जथाभावी आफूले पढे भन्दा फरक क्षेत्रमा काम गर्न बाध्य हुने गरेका छन् । 

यसबारेमा टेरेजाले गम्भीर चिन्ता व्यक्त गरेकी छन् । सबैले समान र आफ्नो क्षमता अनुसारको योग्यता हासिल गराउन शिक्षा प्रणालीलाई अझ सहज बनाउनुपर्ने उनको भनाइ छ । 

यस सम्बन्धि बेलायतका शिक्षा सचिव डेमियन हिन्डसले ‘विद्यार्थीको शिक्षा शुल्क उनीहरुले पढिरहेको पाठ्यक्रमले आगामी करिअरमा कतिको सहयोग पुर्याउँछ’ भन्ने आधारमा तय गरिनुपर्ने धारणा व्यक्त गरेका हुन् । 

गतवर्ष मात्र टेरेजाले विद्यार्थीहरुले २१ देखि २५ हजार पाउन्ड सम्म कमाई गर्न सुरु नगरेसम्म विद्यार्थी ऋण तिर्नु नपर्ने घोषणा गरेकी थिइन् ।  तर हालको प्रणालीलाई हेर्दा दुईतिहाई विद्यार्थीहरुले सो ऋण तिर्नै नसक्ने भएको बताइएको छ । 

कतिपय भने लामो समयसम्म उच्च ब्याजको सामना गर्न बाध्य हुने गरेको बताइएको छ ।  अहिलेको अवस्थामा आर्थिक स्थिति कमजोर भएका विद्यार्थीलाई खानबस्न गरेर धनी विद्यार्थीहरु भन्दा धेरै ऋण उपलब्ध गराइने व्यवस्था रहेको छ तर अन्त्यमा उनीहरुले पढाइ पूरा गरिसक्दा ऋण अत्याधिक वृद्धि हुने गरेको पाइन्छ । 

त्यसकारण यस समस्याको हलका लागि विद्यार्थीहरुलाई थोरै ऋण दिलाउन उचित व्यवस्थापन गराइनुपर्ने मेको भनाइ रहेको छ । बेलायतमा अधिकांश कोर्सका लागि अधिकतम शूल्क पनि ९ हजार पाउन्ड लाग्ने बताइन्छ ।
 

तपाईंको मत