काठमाडौं । अमेरिकाले विदेशी नागरिकलाई ‘प्राइमरी’ भिषामा काम गर्न दिने अधिकारमा कटौती गर्ने भएको छ ।
अमेरिकाले आफ्नो मुलुकमा काम गर्दै आएका विदेशी नागरिकका पती अथवा पत्नीलाई ‘प्राइमरी’ भिसामा काम गर्न दिने अधिकारमा कटौती गर्ने भएको हो ।
अमेरिकी राष्ट्रपति डोनाल्ड ट्रम्प प्रशासन तत्कालिन राष्ट्रपति बाराक ओबामाको प्रशासनले सन् २०१५ मा विदेशी नागरिकका पती अथवा पत्नीका लागि लचिलो बन्दै प्रदान गरेको ‘प्राइमरी’ भिसा खारेज गर्न गइरहेको बीबीसीले जनाएको छ ।
ट्रम्प प्रशासनले विदेशी नागरिकलाई ‘प्राइमरी’ भिसामा काम गर्न दिने अधिकारमा कटौती गरे हजारौं नेपाली, भारतीय र चिनियाँ महिलाहरुले काम गर्न नपाउने भएका छन् ।
ट्रम्प प्रशासनले चाल्न सक्ने सम्भावित कदमको विरोध गर्दै केही दिन अघि भारतीय नागरिकहरुले वासिंगटनमा विरोध समेत प्रदर्शन गरेका थिए । चीन र भारतका महिलाहरुमा यो प्रस्तावित फैसलाको सबैभन्दा बढी असर पर्ने देखिएको छ । यी दुई देशबाट अमेरीका पुगेका प्रवासीहरुको संख्या ठूलो रहेको छ । जसमा अधिकांश जसो पुरुषहरु ‘प्राइमरी’ भिसाधारी रहेका छन् ।