बीबीसी । अमेरिकाका ४० प्रतिशत नागरिकले आफुले हतियार राख्ने गरेको स्वीकार गरेका छन् । तिनै ४० प्रतिशत नागरिकले हतियार राख्न पाउनु आफुहरुको अधिकार भएको पनि बताउँदै आएका छन् । 

तर गत शनिवार स्कट पपालार्डो नाम गरेका अमेरिकी नागरिकले आफ्नै बन्दूक ताड्ने प्रतिवद्धता जनाए । आफ्नो हतियार तोड्ने उनी एक्ला अमेरिकी नागरिक भने होइनन् । 

गत साता फ्लोरिडाको एक विद्यालयमा भएको गोलीबारीमा १७ जनाको मृत्यु र केही मानिसहरु घाइते भए पछि घटनाको विरोधमा युवाहरुले ‘लेभर अगेन’ अभियानको शुरुआत गरेका थिए । 
र्याली निकालेर यूवाहरुले बन्दूकबाट हुने घटनाहरुमा रोक लगाउन र हतियार राख्न पाउने कानून परिवर्तन गर्नुपर्ने माग राखे । 

र्यालीपछि स्कट पपालार्डो नाम गरेको यूवाले सामाजिक सञ्जाल फेसबुकमा एक भिडियो जारी गरेका थिए । जसमा उनी एआर–१५ राइफललाई इलेक्ट्रिक कटरले काटीरहेको देखिएका थिए । यो भिडियोलाई २ करोड २० लाख मानिसहरुले हेरेका छन् । 

न्यूयोर्कमा बस्दै आएका पपालार्डोले बीबीसीसँगको कुराकानीमा भने, “फ्लोरिडाको घटनाले मलाई भित्रैबाट कमजोर बनाएको छ । म यो हतियार गतवर्ष नै बिक्री गर्न चाहन्थे । प्रदर्शनमा उत्रिएका बालबालिकाहरुको अनुहारमा पीडा झल्किरहेको थियो । र उनीहरुको कहानीले मलाई यस्तो गर्न बाध्य बनायो ।’’

पपालार्डोको उक्त भिडियोले अरुलाई पनि प्रेरित गरिरहेको छ । मंगलवार देबी लेन्जले फेसबुकमा एक फोटो पोस्ट गर्दै पपालार्डोलाई धन्यवाद दिएका छन् । 

उनले लेखेका छन्, “यो मेरो एआर–१५ राइफल हो । स्काट पपालार्डोले मलाई प्रेरित गरे । धन्यवाद सर, मलाई यसका साथ अव के गर्नुपर्छ भन्ने बारेमा सिकाईदिनुभयो । यो मसँग कयौं वर्षदेखि थियो । म अव यसका साथ अव रहन सक्दैछ ।’’

माइकल टी मर्फीले पनि मंगलवार ‘नट माई एआर’ र ‘वनलेस’ ह्याशट्यागका साथ एक भिडियो पोस्ट गरेका थिए । उनले आफ्नो राइफललाई इलेक्ट्रिक कटरले काट्नु अघि भने, “मलाई यो राख्न पाउनु आफ्नो अधिकार हो जस्तो लाग्दैन । सरकार यस्ता हतियार समाजबाट हटाउन उचित कदम चालोस् भन्ने चाहन्छु ।’’

http://www.bbc.com/hindi/social-43151015