बीबीसी । वैज्ञानिकहरुले हालै गरेको एक अनुसन्धानपछि औषधिबारे सबैभन्दा ठूलो विवाद हल भएको बीबीसीले आफ्नो समाचारमा जनाएको छ ।
११ लाख भन्दा बढी मानिसहरुमा गरिएको सर्वेक्षणपछि २१ वटा एन्टिडिप्रेसन ओषधीहरुले वास्तवमै तनाव कम गर्न सक्ने पत्ता लगाइएको हो । तर ती सबै औषधीहरुले एकअर्का भन्दा धेरै फरक तरिकाले काम गर्ने बताइएको छ ।
रिपोर्ट प्रस्तुत गर्ने अध्ययनकर्ताले ती औषधिहरुबाट अरु पनि फाइदा लिन सकिने बताएका छन् । मानसिक तनाव कम गराउने औषधीहरु इङ्ल्यान्डमा मात्र ६ करोड भन्दा बढी पाइने गरेको छ ।
तरपनि ती सबैमध्ये थोरै मात्र प्रभावकारी रहेको बताइन्छ । रोयल कलेज अफ साइक्रियाट्रिसका अनुसार यस अनुसन्धानपछि वास्तवमा यी औषधिले काम गर्छ की गर्दैन र कसरी काम गर्छ भन्ने विश्वव्यापी विवादलाई सामाधान गरेको छ ।
यसरी तनावको प्रकार हेरेर सबैभन्दा प्रभावकारी औषधीबारे खोज गर्नु चिकित्सक र बिरामी दुवैका लागि अत्यन्तै खुसीको खबर रहेको अक्सफोर्डका वरिष्ठ अध्ययनकर्ता डाक्टर एन्ड्रे किपरिआनीले बताएका छन् ।
सबैभन्दा प्रभावकारी औषधिका नामहरु यस प्रकार बताइएको छ : एगोमेलाटिन, एमिट्रिपटाइलिन, एस्किटेलोप्राम, मिर्टाजापाइन, प्यारोक्सेटिन
त्यस्तै सबैभन्दा कम प्रभावकारी साबित भएका औषधिहरु यी हुन् : फ्लुअक्जेटिन, फ्लुभोक्जामिन, रिबोकजेटिन, ट्राजोडोन
यो नयाँ खोजपछि चिकित्सकहरुलाई औषधि छनौट गर्न धेरै सजिलो हुने वैज्ञानिकहरुले बताएका छन् तरपनि बिरामीहरुले चिकित्सकको सल्लाहबिना जथाभावी औषधि बदल्न नमिल्ने उनीहरुको भनाइ छ ।
मानिसहरुमा तनावको लक्षण, असर र प्रकार हेरेर यो सूची सार्वजानिक गरिएकाले पहिले अस्पतालमा सम्पर्क गरेर मात्र सेवन गर्नुपर्ने उनीहरुले सुझाव दिएका हुन् ।
अहिलेसम्म तनाव मुक्त गराउने भनिएका सबै औषधिहरुले राम्रो काम नगरेको गुनासो आउने गरेकाले पनि यो खोज भविष्यका लागि समेत धेरै महत्वपूर्ण हुने विज्ञहरुको भनाइ छ ।
http://www.bbc.com/news/health-43143889