एजेन्सी । इंग्लिश क्लब आर्सनलले युरोपा लिग फुटबलको अन्तिम १६ मा प्रवेश गरेको छ । युरोपा लिग अन्तर्गत बिहिबार राति अन्तिम ३२ को दोस्रो लेगमा स्वीडिस क्लब ओस्टरसून्ड्स एफकेसँग २ – १ ले पराजित भएपनि समग्रमा जित निकाल्दै आर्सनल अन्तिम १६ मा पुगेको हो ।

घरेलु मैदानमा ओस्टरसून्ड्ससँग स्तब्ध बनेपनि आर्सनलले समग्रमा ४ – २ को जित निकाल्दै अन्तिम १६ मा पुगेको हो । आर्सनललाई पहिलो लेगमा निकालेको फराकिलो जितले अन्तिम १६ को यात्रा तय गराएको हो  ।

पहिलो लेगमा आर्सनलले ओस्टरसून्ड्सलाई ३–० ले हराएको थियो । दोस्रो लेगमा उत्कृष्ट खेल खेल्दै घरेलु टोलीलाई हराएको ओस्टरसून्ड्स भने घरेलु मैदानको खराब नतिजाको कारण प्रतियोगिताबाट बाहिरिन बाध्य भयो ।

इमिरेट्स स्टेडियमा आर्सनललाई हराउने क्रममा ओस्टरसून्ड्सका होसम एइशले २२ औं मिनेटमा गोल गर्दै टोलीलाई सुरुवाती अग्रता दिलाए  । त्यसको एक मिनेट नबित्दै केन सिमाले गोल गोल गरेपछि पहिलो हाफमा ओस्टरसून्ड्स २ – ० ले अघि रह्यो ।

दोस्रो हाफमा आर्सनल खेलमा फर्कने प्रयास गर्यो । खेलको ४७ औं मिनेटमा आर्सनलका सिड कोलासिनेकले गोल गर्दै खेल २ – १ मा ल्याए ।  त्यसपछि दुवै टोलीबाट थप गोल हुन् सकेन र खेल ओस्टरसून्ड्सले २ – १ ले आफ्नो बनायो ।