चिनियाँ राष्ट्रपति जिङपिङ आजीवन पदमा रहन सक्ने

चिनियाँ राष्ट्रपति जिङपिङ आजीवन पदमा रहन सक्ने

एजेन्सी । चीनियाँ कम्युनिष्ट पार्टीले राष्ट्रपतिको दुई कार्यकाल मात्र रहने संविधानको धारामा नयाँ परिवर्तन ल्याउने प्रस्ताव राखेको छ । यस प्रस्ताव अन्र्तगत राष्ट्रपतिले अनिश्चितकाल सम्म पदमै रहन पाउने बताइएको छ । यो खबर सार्वजानिक भएसँगै वर्तमान राष्ट्रपति सि जिङपिङका लागि २०२३ पछि पनि सत्तामा रहने बाटो खुलेको बिबिसीले बताएको छ । गत वर्ष मात्र उनलाई माओत्सेतुङ पछिका सबैभन्दा शक्तिशाली राष्ट्रपति बताइएको थियो ।
उनको विचारधारालाई संविधानमा उल्लेख गराइएपछि उनलाई अहिलेसम्मकै शक्तिशाली राष्ट्रपतिको नाम दिइएको थियो । यसका साथै उनको कार्यकालमा चीनले व्यापक रुपमा आर्थिक सुधार गर्नुका साथै भ्रष्टाचारका विरुद्ध पनि ठूलो अभियान चलाइएको थियो । आइतबार समाचार एजेन्सी सिन्हुआले सो खबर सार्वजानिक गराएको हो । १९९० देखि नै चीनमा राष्ट्रपतिले १० वर्षको अवधिसम्म पदमा बस्न पाउने कानून लागू थियो जस अन्र्तगत २०१३ मा राष्ट्रपति नियुक्त भएका जिङपिङको कार्यकाल सन् २०२३ मा अन्त्य हुने निश्चित थियो । तर सरकारको यस निर्णयपछि भने जिङपिङले अझै लामो समयसम्म राष्ट्रपति पदमा रहन पाउने भएका हुन् । 
यो परिवर्तन लागू गराइँदा जिङपिङ आजीवन राष्ट्रपति पदमा रहने चिनिया सरकारी पत्रिकाका सम्पादकीयले बताएका हुन् ।
त्यस्तै अर्कोतर्फ अन्तराष्ट्रि समुदायबाट भने यसबारे राम्रो प्रतिक्रिया नआएको बताइएको छ । जिङपिङले आजीवन सत्तामा कब्जामा लिने हो भने भविष्यमा चीनले राजनीतिक अस्थिरताको सामन गर्नुपर्ने विश्वविदहरुको भनाइ छ । किनकी पदका लागि आफ्नो पालो पर्खिरहेका राजनीतिज्ञले यस निर्णय विरुद्ध समस्या निम्त्याउन सक्ने बताइएको छ । त्यस्तै अर्कोतर्फ देशमा अचानक आर्थिक गिरावट आएमा वा विदेशी नीतिमा समस्या देखा पर्दा पनि जिङपिङ एक्लैले सम्पूर्ण जिम्मेवारी लिनुपर्ने हुन्छ । यस्तोमा आजीवन पदमा बस्नु धेरै कठिन निर्णय हुने विशेषज्ञहरुले बताएका हुन् । यसका साथै सामाजिक संजालमा पनि चीनले छिमेकी मुलुक उत्तर कोरियाको तरिका अपनाइरहेको भन्दै यस निर्णयको आलोचना भइरहेको अन्तराष्ट्रिय संचार माध्यमले बताएका छन् ।
 


प्रतिकृया दिनुहोस