काठमाडौं । आईसीसी विश्वकप छनोट क्रिकेटमा नेपालले टस जितेर पहिले ब्याटिङ गर्ने निर्णय गरेको छ । नेपालले ब्याटिङ रोजेसँगै अफगानिस्तानले बलिङको निम्तो पाएको हो ।

बुलावायोस्थित एथ्लेटिक्स क्लबको खेल मैदानमा नेपाल र अफगानिस्तानबीचको खेल हुन लागेको हो । सुपर सिक्समा पुग्नका लागि पनि आजको खेल जित्नै पर्ने दबाब छ । अफगानिस्तानलाई पनि आजको खेल जित्नै पर्ने दबाब छ ।

समूह बी मा रहेको नेपाल दुई खेलमा पराजित भैसकेको छ । पहिलो खेलमा आयोजक जिम्बावेसँग ११६ रनले पराजित भएको नेपाल दोस्रो खेलमा स्कटल्याण्डसँग ४ विकेटले पराजित भएको थियो । 

आज दुई जना खेलाडी परिवर्तन भएका छन् । सरद भेषवाकर र दिलिपनाथको स्थानमा करण केसी र अनिलकुमार शाहलाई खेलाइएको छ । 

यता अफगानिस्तानभने पहिलो खेलमा स्कटल्याण्डसँग ७ विकेटले र दोस्रो खेलमा घरेलु टोली जिम्बावेसँग २ रनले पराजित भएको थियो । त्यस्तै, तेस्रो खेलमा हङकङसँग ३० रनले पराजित भएको अफगानिस्तान आजको खेलमा पराजित भए सुपरसिक्समा पुग्ने अवसर गुमाउनेछ ।

समूह बी बाट स्कटल्याण्ड ३ खेलमा शतप्रतिशत जित हात पार्दै सुपर सिक्समा पुगिसकेको छ ।