बीबीसी । भारतीय कांग्रेसका अध्यक्ष राहुल गान्धीले राजनीतिलाई महाभारतको संज्ञा दिएका छन् । कांग्रेसको ८४ औं महाधिवेशनमा आइतबार पार्टी अध्यक्ष राहुल गान्धीले राजनीतिलाई महाभारतको संज्ञा दिएका हुन् । 

उनले भने, “हजारौं वर्षअघि कुरुक्षेत्रको लडाईँ भएको थियो । कौरव शक्तिशाली र अंहकारी थिए । पाण्डव नम्र थिए र सत्यका लागि लडेका थिए । कौरव जसरी भाजपा र आरएसएसको काम सत्ताका लागि लड्नु हो, पाण्डवको जसरी कांग्रेस सत्यका लागि लडिरहेको छ ।’’

अंग्रेजी र हिन्दीमा दिइएको भाषणमा राहुलले तमिलनाडुबाट पूर्वोत्तर भारतसम्मका युवादेखि किसानले आफुलाई सुनिरहेको स्पष्ट पारे । 

राहुलको भाषणका केही महत्वपूर्ण अंशहरु

१) गुजरातको चुनाव सम्पन्न भयो, त्यहाँ कयौंले भने म मन्दिर जान्छु । म वर्षौंदेखि राजनीतिक भ्रमणका दौरान मन्दिर, गुरुद्वारा र चर्चमा जाँदै आएको छु । मानिसहरु बोलाउँछन्, म जान्छु, यसबाट मलाई सिक्ने अवसर प्राप्त हुन्छ । तपाई भगवान खोज्नु हुन्छ भने भगवान हरेक क्षेत्रमा पाइन्छन्, पूजा त बाटो मात्रै हो ।  हाम्रा भगवान सबै स्थानमा छन् । भाजपाको धर्म मात्र सत्ता खोस्नुमा छ । 

२) प्रधानमन्त्री जनताको ध्यान बाँड्न एक पछि अर्को कार्यक्रम गरिरहेका छन् ।  जब प्रधानमन्त्रीले बोल्नुपर्ने आवश्यकता हुन्छ त्यो बेला उनी चुप बसिदिन्छन् । तर हामी नागरिकका लागि काम गर्दछौं । हामीलाई सत्य कुरो बोल्न कसैले रोक्न सक्दैन । 

३) भाजपा भन्छ अर्थव्यवस्था तीव्र रुपले बढीरहेको छ । तर देशमा युवासँग सोध्नुस्, उनीहरु बेरोजगार छन् । पूरा देशमा कांग्रेस फÞूड पार्कको नेटवर्क बनाउने छ । जस्तो कांग्रेसले पहिले किसानहरुलाई ऋण माफ गरेको थियो, हामी साना र मझौला किसानहरुलाई एक पटक फेरी त्यही किसिमको सहयोग गर्नेछौं । 

४) महात्मा गान्धी १५ वर्ष जेलमा रहे र देशका लागि मरेर गए । देश कहिल्यै भुल्ने छैन । भाजपा एक संगठनको आवाज हो, कांग्रेस देशको आवाज ।

५) के भारत एक झूठ जिउछ अथवा सत्यको सामना गर्ने साहस जुटाउँछ ? आज भ्रष्ट र शक्तिशाली मानिस यो देशलाई चलाईरहेका छन् । 

६) यसअघि कांग्रेस नेतृत्वको सरकार भएपछि म त्यसबाट सन्तुष्ट छैन् । तत्कालिन कांग्रेस नेतृत्वको सरकारले जनताको अपेक्षा अनुरुप काम गर्न सकेन, हामीले यस देशका जनतालाई निराश बनायौं ।

७) चार वर्षअघि जनताले मोदीमाथि भरोसा गरे । अब यो भरोसा टुटिसकेको छ । देशका युवा रोजगारको समस्या कसरी समाधान गरिन्छ भनेर सरकारलाई प्रश्न गरिरहेका छन् । 
https://www.bbc.com/hindi/india-43448703