एजेन्सी । बलिउड अभिनेता रणवीर सिंहले अभिनेत्री दीपिका पादुकोणलाई एक कलाकारका रुपमा मन पराउने गरेको बताएका छन् । उनले दीपिकालाई जीवनमा पाउनु आफ्नो अहोभाग्य भएको पनि बताएका छन् ।
एक अन्तर्वार्तामा रणवीरले दीपिकासँगको सम्बन्ध र विवाहका बारेमा सोधिएको प्रश्नलाई आलटाल गर्दै भने, “यो आपसी समझदारीको साइनो हो । म उनलाई एक कलाकारको रुपमा उच्च दर्जामा राख्छु । तर उनी त्यसो गर्दिनन् ।’’
उनले दीपिकालाई अद्भुत भएको भन्दै कलाकारका रुपमा उनीबाट आफुले धेरै कुरा सिक्ने अवसर पाएको पनि बताए । दीपिकाले आफुलाई मान्छे बन्नमा सघाएको र दीपिकालाई जिन्दगीमा पाएर आफुलाई भाग्यशाली सम्झिने गरेको उनको भनाई थियो ।
दीपिका–रणवीर अभिनित फिल्म ‘पद्मावत’ विवादका बीच पनि ३ सय करोड रुपैयाँको आंकडा पार गर्न सफल भएको थियो । संजय लीला भंसालीद्वारा निर्देशित फिल्ममा रणवीरले अलाउद्दीन खिलजीको भूमिका निभाएका थिए । जसमा अभिनेत्री दीपिका पादुकोण र शाहिद कपूर पनि प्रमुख भूमिकामा थिए ।