काठमाडौं । नवनियुक्त परराष्ट्रमन्त्री प्रदीपकुमार ज्ञवालीले चीनका नवनियुक्त विदेशमन्त्री वाङ यीलाई कार्यकालको सफलतासहित शुभकामना दिएका छन् ।

परराष्ट्र मन्त्रालयले सोमबार जारी गरेको प्रेस वक्तव्यमा नेपाल र चीनबीच कूटनीतिक सम्बन्ध स्थापनादेखि रहँदै आएको सम्बन्ध थप मजबुत हुने अपेक्षा गरिएको छ । परराष्ट्रमन्त्री ज्ञवालीले आफ्ना चिनियाँ समकक्षीसँग दुईपक्षीय सम्बन्ध अझ सुमधुर बनाउन आफू इच्छुक रहेको बताएको परराष्ट्र मन्त्रालयले जनाएको छ ।