काठमाडौं । निवर्तमान प्रधानन्यायाधीश गोपाल पराजुलीविरुद्धको उजुरी काठमाडौं प्रहरीले दरपीठ गरेको छ । पत्रकारसमेत रहेका गुल्मीका मदनबाबु भण्डारीले सोमबार काठमाडौं प्रहरी परिसरमा पराजुलीले आफ्नो शैक्षिक योग्यताको प्रमाणपत्र र नागरिकता फरक–फरक जन्ममिति राखेर कीर्ते गरेको आरोप लगाउँदै निवदेन दिएका थिए । 

निवेदनमा पराजुलीलाई कारबाहीको माग गरिए पनि निवेदन दर्ता भने भएको थिएन । सञ्चारमाध्यममा निवर्तमान प्रधानन्यायाधीश गोपाल पराजुलीविरुद्ध मुद्दा दर्ता भन्ने समाचार आएको र त्यसमा कुनै सत्यता नभएको काठमाडौं प्रहरी परिसरका डीएसपी मोहन थापाले बताए ।