काठमाडौं । गणेशमान सिंह स्मृति सहकारी कप छैटौं राष्ट्रिय रेटिङ बुद्धिचाल प्रतियोगिता हुने भएको छ । ललितपुर जिल्ला बचत तथा ऋण सहकारी संघले राजधानीमा शुक्रबार पत्रकार सम्मेलन गरी प्रतियोगिता हुनेबारे जानकारी दिएको हो ।
प्रतियोगिता जावलाखेलस्थित ताम्राकार समाजको भवनमा चैत्र २० देखि २७ गतेसम्म हुनेछ । प्रतियोगिता लिग कप नकआउट स्वीस लिगको आधारमा ११ राउण्डमा हुनेछ ।
सर्वाधिक पुरस्कार राशिको यो प्रतियोगिताको विजेताले १ लाख ८८ हजार ९ सय पर्ने सुलुटो यामाहा मोटरसाइकल पाउने छन् । त्यस्तै, द्वितीय हुनेले ५० हजार तृतीय र चौथो हुनेले क्रमशः ३० र २५ हजार प्राप्त गर्ने छन् ।
सुपर लिगको विजेताले २५, दितीय, तृतीय, चौथो र पाचौं हुनेले क्रमशः १५, १०, ८ र ७ हजार प्राप्त गर्ने छन् ।
त्यस्तै, महिलातर्फको विजेताले १० हजार प्राप्त गर्ने छन् । दितीय, तृतीय, चौथो र पाचौं हुनेले क्रमशः ८, ७, ६ र ५ हजार प्राप्त गर्ने छन् ।