काठमाडौं । पूर्व मिस नेपाल निकिता चण्डक अब नायिका हुने भएकी छन् । एक वर्षे मिस नेपालको कार्यकाल सकिएको केही दिनमै उनले चलचित्रमा साइन गरेकी हुन् । 

चण्डकले ‘रानीमहल’ मार्फत चलचित्रमा डेब्यू गर्न लागेकी हुन् । साइन गरिसेकेको चलचित्रबाट वर्षा सिवाकोटी पछि हटेपछि उनको ठाउँमा चण्डकलाई भित्राएको हो । 

चलचित्र केही दिनमै फ्लोरमा जाँदैछ । यो चलचित्रबाट प्रशान्त ताम्राकार पनि पछि हटिसकेका छन् । उनको ठाउँमा अर्जुनजंग शाहीले अभिनय गर्नेछन् । 

हिमाल न्यौपानेले निर्देशन गर्ने चलचित्र पुत्र मोहसँगै त्रिकोणात्मक प्रेम कथामा आधारित हुने निर्माण पक्षले जनाएको छ ।