अर्थ व्यवसाय

दुई दिनमा सेयर लगानीकर्ताको कूल सम्पत्ति साढे २३ अर्बले बढ्यो, नेप्से सुधारिने लयमा

दुई दिनमा सेयर लगानीकर्ताको कूल सम्पत्ति साढे २३ अर्बले बढ्यो, नेप्से सुधारिने लयमा

काठमाडौं । नयाँ वर्षको पहिलो दिन बढेको सेयर बजारले दोस्रो दिन पनि निरन्तरता दिएको छ । साताको दोस्रो तथा नयाँ वर्षका दोस्रो दिन पनि नेप्से परिसूचक १७.४२ अंकले बढ्दै सुधारिने क्रमले निरन्तरता पाएको हो ।

यसदिन नेप्सेमा आएको क्रमशः सुधारले लगानीकर्तालाई खुसी दियो । सुरुमा केही समय घटेको बजारले पटकपटक आर्लने कोशिश गरेपनि त्यो सम्भव हुन सकेन । बजार परिसूचक कुनै समय १३ सय बिन्दु कटेपनि त्यहीँ रहन सकेन ।

र, अन्ततः बजार बढ्दै १२ सय ९७ दशमलव ५७ को बिन्दूमा पुगेर रोकियो । नेप्से बढ्दा यसदिन सेयर बजार कारोबार परिसूच बढ्दा सेयर कारोबारमा पनि चाप देखिएको छ । यसदिन कारोबार रकम अघिल्लो दनभन्दा ८८ प्रतिशत बढ्दा ५७ करोड ६८ लाख ६१ हजार ८६३ रुपैयाँको सेयर किनबेच भए । यसक्रममा नेप्सेमा १६७ कम्पनीका ११ लाख ७८ हजार ७३८ कित्ता सेयर कारोबारमा आए ।

नेप्से बढ्दा बजार पूँजीकरणमा २१ अबको वृद्धि भएर १५ खर्ब २१ अर्ब २५ करोड रुपैयाँ पुगेको छ । अघिल्लो दिन सेयर बजार परिसूचक २.६ अंकले बढ्दा लगानीकर्ताको सम्पत्ति अढाई अर्बले बढेको थियो । यससँगै नयाँ वर्षको २ कारोबारमा लगानीकर्ताको पुँजी कूल साढे २३ अर्बले बढेको हो ।

नेप्से बढ्दा सोमबार ‘क’ वर्गका कम्पनीको कारोबार मापन सेन्सेटिभ इन्डेक्स पनि ३.२८ अंकले बढेर २ सय ७६ दशमलव २६को बिन्दुमा पुगेको छ ।

सोमबार नेप्से बढ्नुमा अघिल्लो दिनदेखि सेमी अनलाइन प्रणालीको प्रभाव रहेको जानकारहरुले बताएका छन् । उनीहरुका अनुसार सेयर खरिदबिक्रीका लागि अर्डर दिने काम कम झन्झटिलो भएपछि यो प्रक्रिया सहज बनेको हो ।

यसदिन बीमा र लघुवित्त समूहमा आएको उच्च सुधारले शेयर बजारलाई उकालो लाग्न मद्दत ग¥यो । यद्यपि, अन्य समूहबाहेकसबै समूहहरुको परिसूचक बढ्दा बजारमा लागनीकर्ताको मनोबल बढेको छ ।

सोमबार प्रभु इन्स्योरेन्सको सबैभन्दा धेरै २ करोड ८७ लाख बराबरको शेयर कारोबार भएको छ । यस कम्पनीको २१ हजार ५ सय ३४ कित्ता शेयर कारोबार भए । कम्पनीको सेयरको अन्तिम मूल्य ७ सय २५ रुपैयाँ कायम भएको छ । 

यसदिन युनाइटेड इन्स्योरेन्सको सेयरमा लगानीकर्ताको विशेष आकर्षण देखियो । कम्पनीले १० कित्ता बराबर २४ कित्ता हकप्रद सेयर दिने भएपछि यस कम्पनीमा लगानीकर्ताको बढी आकर्षण देखिएको हो ।

यसदिन प्रुडेन्सियल इन्स्योरेन्सको मूल्य सर्वाधिक १० प्रतिशतले बढ्यो । कम्पनीको सेयर मूल्य ७ सय ७० रुपैयाँ कायम भएको छ । साथै, ग्लोबल आइएमई लघुवित्त वित्तीय संस्था, नेपाल इन्स्योरेन्स र युनाइटेड इन्स्योरेन्सको सेयर मूल्य करीब १० प्रतिशतले बढेका छन् ।

यस दिन १ सय २४ कम्पनीको सेयर मूल्य बढ्दा २७ कम्पनीको सेयर मूल्य घटेको छ । घट्नेमा नेपाल लाइफ इन्स्योरेन्स ्कम्पनीको सेयर मूल्य सबैभन्दा धेरै ९.९ प्रतिशतले घटेको हो ।
 

तपाईंको मत